હવાલાના આરોપીને પકડ્યા પછી ભગાડી દીધો, MPમાં 1.45 કરોડની લૂંટ બદલ 9 પોલીસકર્મી સસ્પેન્ડ

મધ્યપ્રદેશમાં શિવની પોલીસ પર 1.45 કરોડ રૂપિયાની લૂંટનો આરોપ લાગ્યો છે. આ મામલે કાર્યવાહી કરતા IG પ્રમોદ વર્માએ બંડોલ ટીઆઈ સહિત નવ પોલીસ અધિકારીઓને સસ્પેન્ડ કર્યા છે. CSP પૂજા પાંડે સામે કાર્યવાહીનો પ્રસ્તાવ સરકારને મોકલવામાં આવશે.

પોલીસ સૂત્રોએ જણાવ્યું હતું કે, મંગળવારે રાત્રે કટનીથી નાગપુર જઈ રહેલા એક વેપારીની ગાડીમાં હવાલાના 1.45 કરોડ રૂપિયા મળ્યા હતા. બંડોલ પોલીસને આ માહિતી મળતા તેમણે સિલાદેહી નજીક ગાડી રોકી હતી. એવો આરોપ છે કે પોલીસે વેપારી સામે કોઈ કાર્યવાહી નહીં કરવાનું વચન આપીને જવા દીધો અને તેના 1.45 કરોડ રૂપિયાની ઉચાપત કરી. બીજા દિવસે જ્યારે વેપારીએ પરત ફરી પોલીસ સ્ટેશનમાં ઘટનાની જાણ કરી ત્યારે આ સમગ્ર ઘટના સામે આવી હતી. 

સસ્પેન્ડ કરાયેલા પોલીસ અધિકારીઓમાં બંદોલ ટીઆઈ અર્પિત ભૈરમ, સીએસપી રીડર રવિન્દ્ર ઉઇકે, ડ્રાઈવર, બે ગનમેન, સીએસપી ઓફિસમાં તૈનાત બે કોન્સ્ટેબલ અને બંદોલ પોલીસ સ્ટેશનના એક કોન્સ્ટેબલનો સમાવેશ થાય છે. આઈજી પ્રમોદ વર્માએ જણાવ્યું હતું કે ₹1.45 કરોડની જપ્તીના સંદર્ભમાં બંદોલ ટીઆઈ સહિત નવ પોલીસ અધિકારીઓને સસ્પેન્ડ કરવામાં આવ્યા છે. સીએસપી પૂજા પાંડે સામે કાર્યવાહી માટે સરકારને દરખાસ્ત મોકલવામાં આવી છે.