3000 સૈનિકો, 10 જેટ, 5 યુદ્ધ જહાજો..., ભારત ક્યાં તૈનાત કરી રહ્યું છે પોતાની સેના?
સમગ્ર વિશ્વ જ્યારે અવિશ્વાસ અને યુદ્ધના માહોલમાંથી પસાર થઈ રહ્યું છે,
સમગ્ર વિશ્વ જ્યારે અવિશ્વાસ અને યુદ્ધના માહોલમાંથી પસાર થઈ રહ્યું છે, ત્યારે ભારત અને રશિયાએ દાયકાઓ જૂની મૈત્રીને નવી ઊંચાઈ પર લઈ જતો ઐતિહાસિક નિર્ણય લીધો છે. ઈરાન-હોર્મુઝના તણાવ વચ્ચે હવે ભારત અને રશિયા એકબીજાની ધરતી પર પોતાની સેના તૈનાત કરશે. આ પગલાથી અમેરિકા અને ચીન જેવા દેશોની ચિંતામાં વધારો થવો નિશ્ચિત મનાઈ રહ્યો છે.
શું છે આ કરાર? (RELOS Agreement)
ફેબ્રુઆરી 2025માં હસ્તાક્ષર કરાયેલ 'ઈન્ડો-રશિયન રેસીપ્રોકલ એક્સચેન્જ ઓફ લોજિસ્ટિક્સ એગ્રીમેન્ટ' (RELOS) હવે સત્તાવાર રીતે અમલમાં આવ્યો છે. આ કરાર હેઠળ બંને દેશો એકબીજાના સૈન્ય ઠેકાણાઓ પર:
-
3000 સૈનિકો
-
10 સૈન્ય વિમાનો (જેટ્સ)
-
5 યુદ્ધપોતો એક જ સમયે તૈનાત કરી શકશે. આ તૈનાતી 5 વર્ષના ગાળા માટે હશે, જેને પરસ્પર સંમતિથી વધારી શકાય છે.
ભારતને શું થશે ફાયદો?
-
આર્કટિક સુધી પહોંચ: ભારતને રશિયાના વ્યૂહાત્મક રીતે મહત્વપૂર્ણ એવા આર્કટિક ક્ષેત્રના લશ્કરી ઠેકાણાઓ સુધી પહોંચ મળશે.
-
સર્વિસિંગ અને લોજિસ્ટિક્સ: રશિયન મૂળના સૈન્ય ઉપકરણોની જાળવણી અને લાંબા ગાળાની તૈનાતીમાં ભારતને મોટી સુવિધા મળશે.
-
સંયુક્ત અભ્યાસ: બંને દેશો વચ્ચે સંયુક્ત સૈન્ય અભ્યાસ, તાલીમ અને માનવીય સહાયતાના કાર્યોમાં ગતિ આવશે.
અમેરિકા અને ચીન કેમ બેચેન?
પશ્ચિમ એશિયામાં વધી રહેલા તણાવ અને હોર્મુઝ સ્ટ્રેટમાં ચાલી રહેલી દરિયાઈ જંગ વચ્ચે ભારત અને રશિયાનો આ વધતો સમન્વય અમેરિકા માટે પડકારરૂપ છે. બીજી તરફ, રશિયામાં ભારતીય સેનાની હાજરી ચીન માટે પણ રણનીતિક મુશ્કેલીઓ ઊભી કરી શકે છે.
