Video/ Dang માં રસ્તાના કામોમાં રાજકારણનો આક્ષેપ: અધૂરા રોડને લઈને પૂર્વ ધારાસભ્યએ આપી આંદોલનની ચીમકી

ડાંગ જિલ્લામાં ચાલી રહેલા રસ્તાના કામોની ગુણવત્તા અને કામગીરીને લઈને સવાલો ઊભા થયા છે, જેમાં હવે રાજકારણના આક્ષેપો પણ સામેલ થયા છે. વઘઈ તાલુકાના ધાંગડી ગામમાં અધૂરા રસ્તાના કામને લઈને કોન્ટ્રાક્ટર સામે લોકોમાં ભારે આક્રોશ જોવા મળી રહ્યો છે.

37 લાખનો 1 કિલોમીટરનો રસ્તો અધૂરો

ધાંગડી ગામમાં એક કિલોમીટરના ડામર રોડનું કામ ચાલી રહ્યું છે, જેનો ખર્ચ રૂપિયા 37 લાખ જેટલો છે. જોકે, આ રસ્તાનું કામ નિયત સમય મર્યાદા પૂરી થઈ ગઈ હોવા છતાં અધૂરું છે. કામ અધૂરું રહેતા સ્થાનિક લોકોમાં તંત્ર અને કોન્ટ્રાક્ટર સામે નારાજગી ફેલાઈ છે.

ગુણવત્તા ઉપર સવાલ અને રાજકીય આક્ષેપ

જિલ્લામાં ચાલી રહેલા અન્ય ડામર રસ્તાના કામોની ગુણવત્તા ઉપર પણ સ્થાનિકો દ્વારા સવાલો ઉઠાવવામાં આવી રહ્યા છે. આ અધૂરા કામો પાછળ રાજકીય કારણો જવાબદાર હોવાના આક્ષેપો પણ થઈ રહ્યા છે.

પૂર્વ ધારાસભ્યની આંદોલનની ચીમકી

આ સમગ્ર મામલે ડાંગના પૂર્વ ધારાસભ્ય મંગળ ગાવિતે આક્રોશ વ્યક્ત કર્યો છે. તેમણે અધૂરા રસ્તાના મુદ્દે તંત્રને ચીમકી આપતા જણાવ્યું છે કે જો જલ્દીથી કામ પૂર્ણ નહીં થાય તો તેઓ આંદોલન શરૂ કરશે.