GSEB 10th Result 2025: રાજ્યમાં સૌથી વધુ Suratના 5393 વિદ્યાર્થીઓને A-1 ગ્રેડ

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) દ્વારા ધોરણ 10ના વર્ષ 2025ના પરિણામો જાહેર કરવામાં આવ્યા છે. આ વર્ષે રાજ્યભરનું કુલ પરિણામ 83.08% રહ્યું છે. રાજ્યના તમામ જિલ્લાઓમાં સુરત જિલ્લાએ પોતાની સફળતાની પરંપરા જાળવી રાખી છે અને 86.20% પરિણામ સાથે ટોચના સ્થળે પોતાનું સ્થાન સુદ્રઢ કર્યું છે.

આ પણ વાંચો :

સુરતના હજીરા પોર્ટ પર તહેનાત કરાયું હતું એ INS SURATનું નામ કેવી રીતે પડ્યું?  જાણો તેની વિશેષતાઓ

Surat News: 'ઓપરેશન સિંદૂર'ની સફળતા પર ઉજવણી, Indian Army જિંદાબાદના લોકોએ લગાવ્યા નારા

વિદ્યાર્થીઓની અપ્રતિમ સિદ્ધિ

મોટા વરાછા અબ્રામા ખાતે આવેલી સંસ્કાર તિર્થ જ્ઞાનપીઠના દિપકભાઈ ભડિયાદરાએ કહ્યું કે, સુરત જિલ્લાના વિદ્યાર્થીઓએ માત્ર પરિણામમાં જ નહિ, પરંતુ ગુણવત્તામાં પણ પોતાની ઊંચી છાપ છોડી છે. આ વર્ષે સુરતમાંથી કુલ 5393 વિદ્યાર્થીઓએ A1 ગ્રેડ મેળવ્યો છે, જે રાજ્યમાં સૌથી વધુ છે. આથી સુરત એ1 ગ્રેડ મેળવનારા વિધાર્થીઓના મામલામાં પ્રથમ ક્રમે છે. એટલું જ નહિ, સુરતના 13,279 વિદ્યાર્થીઓએ A2 ગ્રેડ મેળવી બીજું સિદ્ધિભર્યું સ્થાન મેળવ્યું છે. આ નોંધપાત્ર પરિણામ સુરતના શિક્ષણ ક્ષેત્રે સતત સુધારાં, શાળાઓમાં અત્યાધુનિક પદ્ધતિઓનો અમલ, અને શિક્ષકોની પ્રતિબદ્ધતાનું પ્રતિબિંબ છે. વિદ્યાર્થીઓ અને તેમના પિતામહે પણ અભિનંદનપાત્ર છે જેમણે સતત મહેનત કરીને શ્રેષ્ઠ પરિણામ આપ્યું છે.

પરિણામ તપાસવા માટે માર્ગદર્શિકા

વિદ્યાર્થીઓ તેમના પરિણામ GSEBની ઓફિશિયલ વેબસાઇટ પર જોઈ શકે છે. આ ઉપરાંત, વોટ્સએપથી પણ પરિણામ મેળવવાની સુવિધા ઉપલબ્ધ છે. વિદ્યાર્થીઓ પોતાનો બેઠક ક્રમાંક 6357300971 પર મોકલીને પણ પરિણામ મેળવી શકે છે. જેઓ પરિણામથી અસંતુષ્ટ હોય તેઓ ગુણચકાસણી અથવા રીવ્યૂ માટે અરજી કરી શકે છે. તેમ જ, પૂરક પરીક્ષાઓ માટે રજીસ્ટ્રેશનની પ્રક્રિયા પણ ટૂંક સમયમાં શરૂ થવાની શક્યતા છે.

 સુરત બન્યું છે રાજ્યના શિક્ષણની શાન

આ વર્ષે ફરી એક વખત સુરતએ પોતાની પ્રતિભા, લગન અને શિક્ષણક્ષેત્રમાં લીડરશિપ સાબિત કરી છે. રાજ્યભરના ધોરણ 10ના પરિણામોમાં સુરતનું પ્રદાન નોંધપાત્ર રહ્યું છે. શિક્ષણવિદ્યાર્થીઓને આવી સફળતાથી પ્રેરણા મળવી જોઈએ અને આગામી સમયમાં વધુ ઉત્કૃષ્ટ પરિણામો અપેક્ષિત છે.