'જમીન નહીં, અસ્તિત્વ માટે લડીશું': HUDA સામે હિંમતનગરના ખેડૂતો મેદાને, 25 હજારની જનમેદનીની તૈયારી

હિંમતનગર અર્બન ડેવલોપમેન્ટ ઓથોરિટી (HUDA) દ્વારા બહાર પાડવામાં આવેલા નોટિફિકેશનના વિરોધમાં સાબરકાંઠાના ખેડૂતોનું આંદોલન વધુ ઉગ્ર બની રહ્યું છે. છેલ્લા 50 કરતા વધુ દિવસોથી ખેડૂતો વિવિધ કાર્યક્રમો દ્વારા વિરોધ નોંધાવી રહ્યા છે, પરંતુ આ લડત આજે ચરમસીમા પર પહોંચી છે.

આ પણ વાંચો :

Video: Himmatnagarમાં 8 મહિનાની સગર્ભાએ 10મા માળેથી મુક્યું પડતું, દહેજના દુષણે માસુમ બાળકીના માથેથી છીનવી માતાની છત્રછાયા 

Video: Himmatnagarના અત્રી ગ્રીન્સમાં પરંપરાગત ગરબાનું આયોજન, સાંસ્કૃતિક વારસો ટકાવી રાખવા પ્રયાસ

'આ લડત જમીન માટે નહીં, અસ્તિત્વ માટે છે!'

ખેડૂતોએ સ્પષ્ટ સંદેશ આપ્યો છે કે તેમની આ લડત માત્ર જમીન માટે નહીં, પણ તેમના 'અસ્તિત્વ' માટેની છે. આ નોટિફિકેશનને કારણે ખેડૂતોની આશરે 40% જમીન કપાતમાં જઈ રહી છે, જેના કારણે ખેડૂતો પોતાનું ખેતીકાર્ય અને આજીવિકા ગુમાવવાની ભીતિ અનુભવી રહ્યા છે.

કાંકણોલ ખાતે ખેડૂતોની મહાપંચાયત

કાંકણોલ ખાતે ખેડૂતોની એક વિશાળ મહાપંચાયતનું આયોજન કરવામાં આવ્યું છે, જેમાં 25 હજારથી વધુ ખેડૂતો પહોંચવાનો અંદાજ છે. શરૂઆતમાં 11 ગામના ખેડૂતો દ્વારા વિરોધની શરૂઆત કરવામાં આવી હતી. હાલમાં આ વિરોધને 130 કરતા વધુ ગામોનું સમર્થન મળી ચૂક્યું છે, જે આ આંદોલનની વ્યાપકતા દર્શાવે છે.

બિન રાજકીય વિરોધ અને પોલીસ બંદોબસ્ત

આંદોલનકારીઓએ સ્પષ્ટ કર્યું છે કે આ વિરોધ સંપૂર્ણપણે બિન રાજકીય રીતે ચાલી રહ્યો છે. ખેડૂતો માત્ર હૂડાનું નોટિફિકેશન રદ થાય તેવી ઉગ્ર માંગ સરકાર સામે કરી રહ્યા છે. ખેડૂતોના આ ઉગ્ર વિરોધને ધ્યાનમાં રાખીને કોઈપણ અનિચ્છનીય બનાવ ન બને તે માટે વિસ્તારમાં પોલીસ બંદોબસ્ત ગોઠવી દેવામાં આવ્યો છે. ખેડૂતોએ ચેતવણી આપી છે કે જો આવનારા દિવસોમાં હૂડા નોટિફિકેશન રદ નહીં થાય, તો આ આંદોલન વધુ મોટું સ્વરૂપ ધારણ કરશે.