નવરાત્રીના પ્રથમ 6 દિવસ ખેલૈયાઓ ભીંજાશે! 8 ઓક્ટોબર સુધી રાજ્યના આ જિલ્લાઓમાં પડશે વરસાદ

ગુજરાતનો સૌથી મોટો તહેવાર નવરાત્રી આવતીકાલે, 3 ઓક્ટોબરથી શરૂ થઈ રહ્યો છે અને ગરબા પ્રેમીઓ મા અંબેની ભક્તિમાં પરંપરાગત ગરબા રમવા માટે તૈયાર છે. સ્વાભાવિક રીતે જ તમામ ખેલૈયાઓને એ વાતની ઉત્સુકતા છે કે વરસાદ તેમના ગરબાની ઉજવણીને બગાડશે કે કેમ.

છેલ્લા બે દિવસની હવામાન પેટર્ન પર નજર કરીએ તો, ગુજરાતમાં વરસાદ ઓછો થયો છે. આજે સવારે 6 વાગ્યે પૂરા થતા છેલ્લા 24 કલાકમાં રાજ્યના માત્ર ચાર તાલુકાઓમાં એક ઇંચથી વધુ વરસાદ નોંધાયો છે.  ખેલૈયાઓ માટે આ રાહતના સમાચાર છે, કારણ કે 3 ઑક્ટોબરથી 12 ઑક્ટોબર સુધીના નવરાત્રિ સમયગાળા દરમિયાન આ  પેટર્ન મોટા પાયે ચાલુ રહેવાની અપેક્ષા છે.

IMD અનુસાર નવરાત્રી દરમિયાન હવામાનની સ્થિતિ

IMDએ તાજા બુલેટિનમાં કહેવામાં આવ્યું છે કે  નવરાત્રિના પ્રથમ છ દિવસના 2થી 8 ઓક્ટોબરના સમયગાળા દરમિયાન દક્ષિણ ગુજરાતના માત્ર થોડા જ વિસ્તારોમાં હળવો વરસાદ પડી શકે છે.

3 ઓક્ટોબરના રોજ નર્મદા, સુરત, ડાંગ, તાપી, નવસારી, વલસાડ અને દમણ અને દાદરા નગર હવેલી વિસ્તારોમાં હળવાથી મધ્યમ વરસાદ/ગર્જના સાથે વરસાદ પડી શકે છે, જ્યારે બાકીના ગુજરાતમાં હવામાન સૂકું રહેવાની ધારણા છે.

4 ઓક્ટોબરના રોજ, ડાંગ, તાપી, નવસારી, વલસાડ અને દમણ અને દાદરા નગર હવેલીના વિસ્તારોમાં હળવાથી મધ્યમ વરસાદ/ ગાજવીજ સાથે વરસાદ પડી શકે છે, જ્યારે બાકીના ગુજરાતમાં હવામાન શુષ્ક રહેવાની ધારણા છે.

5 ઓક્ટોબરે ડાંગ, તાપી, નવસારી, વલસાડ અને દમણ અને દાદરા નગર હવેલીના વિસ્તારોમાં હળવાથી મધ્યમ વરસાદ/ ગાજવીજ સાથે વરસાદ પડી શકે છે, જ્યારે બાકીના ગુજરાતમાં હવામાન સૂકું રહેવાની ધારણા છે.

6 ઑક્ટોબરે ડાંગ, તાપી, નવસારી, વલસાડ અને દમણ અને દાદરા નગર હવેલીના વિસ્તારોમાં ફરી હળવાથી મધ્યમ વરસાદ/ ગાજવીજ સાથે વરસાદ પડી શકે છે, જ્યારે બાકીના ગુજરાતમાં હવામાન સૂકું  રહેશે.

ઑક્ટોબર 7 ના રોજ નવસારી, વલસાડ અને દમણ અને દાદરા નગર હવેલીના વિસ્તારોમાં હળવાથી મધ્યમ વરસાદ/ ગાજવીજ સાથે વરસાદ પડી શકે છે, જ્યારે ગુજરાતના અન્ય ભાગોમાં સૂકું  હવામાન રહેવાની ધારણા છે.

8 ઓક્ટોબરે નવસારી, વલસાડ, અને દમણ અને દાદરા નગર હવેલી વિસ્તારોમાં ફરી હળવાથી મધ્યમ વરસાદ/ ગાજવીજ સાથે વરસાદ પડી શકે છે, જ્યારે બાકીના ગુજરાતમાં સૂકું હવામાન અનુભવાય તેવી શક્યતા છે.