Mehsana: દૂધસાગર ડેરીની ચૂંટણીની તારીખ જાહેર, વિપુલ ચૌધરી જૂથ ભાજપ સમર્થિત ઉમેદવારો સામે ઉતરશે
છેલ્લું અપડેટ : 19 Nov 2025
મહેસાણા સ્થિત પ્રતિષ્ઠિત દૂધસાગર ડેરીની ચૂંટણીની તારીખો જાહેર થઈ ગઈ છે, જેમાં જરૂર જણાશે તો 7 ડિસેમ્બરના રોજ મતદાન યોજાશે. આ ચૂંટણીમાં રાજકીય ગરમાવો જોવા મળી રહ્યો છે, કેમ કે વિપુલ ચૌધરી જૂથ દ્વારા ભાજપ સમર્થિત ઉમેદવારો સામે 'સહકાર પેનલ' ઉતારવાની તૈયારીઓ શરૂ કરી દેવામાં આવી છે.
ચૂંટણી કાર્યક્રમની મુખ્ય તારીખો
આ ચૂંટણી માટે કુલ 1048 મતદારોની આખરી (ફાઇનલ) યાદી પ્રસિદ્ધ કરી દેવામાં આવી છે. ચૂંટણીનો વિગતવાર કાર્યક્રમ નીચે મુજબ છે:
|
તારીખ |
કાર્યક્રમ |
|
24 નવેમ્બર |
ઉમેદવારી ફોર્મ ભરવાનો છેલ્લો દિવસ / ઉમેદવારોની પ્રથમ યાદી પ્રસિદ્ધ થશે. |
|
25 નવેમ્બર |
ફોર્મની ચકાસણી (સ્કૃટિની) કરાશે. |
|
26 નવેમ્બર |
માન્ય ઉમેદવારી પત્રોની યાદી પ્રસિદ્ધ કરાશે. |
|
27 નવેમ્બર |
ભરેલા ઉમેદવારી પત્રો પાછા ખેંચી શકાશે. |
|
28 નવેમ્બર |
હરીફ ઉમેદવારોની આખરી યાદી પ્રસિદ્ધ કરાશે. |
|
7 ડિસેમ્બર |
જરૂર જણાય તો મતદાન યોજાશે. |
રાજકીય ગરમાવો
દૂધસાગર ડેરીની ચૂંટણીને લઈને મહેસાણાના રાજકારણમાં મોટો રસ જોવા મળી રહ્યો છે. પૂર્વ ચેરમેન અને કદાવર સહકારી નેતા વિપુલ ચૌધરી જૂથ ભાજપ સમર્થિત ઉમેદવારો સામે પોતાની પેનલ ઉતારવાની તૈયારી કરી રહ્યું હોવાથી ચૂંટણી રસાકસીભરી બની રહેશે તેવું અનુમાન છે.
