બાવળા : ચીયાડા ગામમાં 3 વર્ષના બાળકને રમતું મૂકીને માતાએ ખાધો ગળાફાંસો

આમદાવાદ જિલ્લાના બાવળા તાલુકાના  ચીયાડા ગામમાં એક પરપ્રાંતીય પરિણીતાએ ઝાડ પર ગળાફાંસો ખાઈને આપઘાત કરી લીધો છે. આ પરિણીતાને ત્રણ વર્ષનું બાળક હતું, જેને તેણે આત્મહત્યા કરતા પહેલા ઝાડ નીચે રમતું મૂકી દીધું હતું. 

આ ઘટના અંગે મળતી માહિતી મુજબ  બાવળાના ચીયાડા ગામની સીમમાં મૂળ મધ્યપ્રદેશની વતની રેખાબેન માંગીલાલ જાંબુઆનામની  પરિણીતાએ ઝાડ સાથે ગળેફાંસો ખાઈને  આત્મહત્યા કરી લીધી છે. આત્મહત્યા કરતા પહેલા આ પરિણીતાએ પોતાના ત્રણ વર્ષના બાળકને ત્યાં રમતું મૂકી દીધું હતું.

આ પણ વાંચો : ગોધરાના કાશીપુરા ગામે ધારિયાના ઘા મારી પતિએ કરી પત્નીની કરપીણ હત્યા

મૃતક મહિલાનો પતિ અને પરિવારજનો વતનમાં ગામડે ગયા હતા ત્યારે આ પરિણીતાએ આત્મહત્યા કરી છે. પોલીસને આ મૃતક પરિણીતાના મૃતદેહ પાસેથી એક સ્યુસાઇડ નોટ મળી હોવાનું પણ કહેવામાં આવી રહ્યું છે. 

આ પરિણીતાએ શા માટે આ પગલું ભર્યું તે અંગે અનેક ચર્ચાઓ વહેતી થઇ છે. એક વાત એવી પણ સામે આવી છે કે આ મહિલાના પ્રેમીએ તેને દગો દીધો, માટે લાગી આવતા તેણે આ અંતિમ પગલું ભર્યું. 

ઘટનાની જાણ થતા કેરાળા GIDC પોલીસ ઘટનાસ્થળે પહોંચી હતી. પોલીસે આ પરિણીતાના મૃતદેહને પોસ્ટમોર્ટમ માટે ખસેડીને આગળની કાર્યવાહી હાથ ધરી છે.