અમદાવાદ: સીલ કરાયેલા ગેમ ઝોનના સંચાલકો વિરુદ્ધ ગુનો થશે દાખલ, NOC વગર ધમધમતા હતા 'મોત ઝોન'
રાજકોટ ગેમઝોનમાં અગ્નિકાંડ બાદ અમદાવાદમાં આવેલા ગેમઝોનમાં ફાયર બ્રિગેડ, પોલીસ અને ઈલેક્ટ્રીક સીટી કંપની તેમ
રાજકોટ ગેમઝોનમાં અગ્નિકાંડ બાદ અમદાવાદમાં આવેલા ગેમઝોનમાં ફાયર બ્રિગેડ, પોલીસ અને ઈલેક્ટ્રીક સીટી કંપની તેમજ એસ્ટેટ વિભાગના અધિકારીઓની ત્રણ અલગ અલગ ટીમ દ્વારા તપાસ કરવામાં આવી હતી.
અધિકારીઓની ત્રણ અલગ અલગ ટીમ દ્વારા તપાસ કરવામાં આવી
જેમાં 35 પૈકી ચાર ગેમઝોન પાસે એનઓસી જ નહોતી. આ બાબતે તપાસ કમિટીએ રિપોર્ટ પણ કર્યો છે. એનઓસી વિના ચાલતા આ ચારેય ગેમઝોનના સંચાલકો સામે પોલીસ દ્વાર ગુનો નોંધવાની કાર્યવાહી કરવામાં આવશે.
35 ગેમઝોન પૈકી ચાર ગેમઝોન પાસે એનઓસી કે અન્ય પરવાનગી પણ નહોતી
અમદાવાદમાં 35 ગેમઝોન પૈકી ચાર ગેમઝોન પાસે એનઓસી કે અન્ય પરવાનગી પણ નહોતી. પોલીસ ફરિયાદ નોઁધવામાં આવશે.બીજી તરફ અમદાવાદમાં ગેરકાયદેસર રીતે ચાલતા 10થી વધુ ગેમઝોનના સંચાલકોએ રાજકોટની ઘટના બાદ રાતો રાત ગેમઝોન ખાલી કરીને તમામ સામાન હટાવી દીધો હતો. જેમાં કેટલાંક ગેમઝોનના સંચાલકોએ તેમના ઈન્સ્ટાગ્રામ અને અન્ય સોશિયલ મીડિયા પ્લેટફોર્મના એકાઉન્ટ પણ બંધ કરી દીધા હતા.
લો,હવે અમદાવાદના ગેમઝોનમાં દર મહિને મ્યુનિ.તંત્ર તપાસ કરશે
રાજકોટમાં બનેલા ગેમઝોનના અગ્નિકાંડ બાદ અમદાવાદમાં આવેલા તમામ ગેમઝોનમાં દર મહિનાની ૧થી ૫ તારીખ દરમિયાન ફાયર વિભાગને તપાસ કરવા મ્યુનિસિપલ કમિશનરે આદેશ આપ્યો છે. ઉપરાંત દર ત્રણ મહિને ફાયર વિભાગ અલગ અલગ વિસ્તારના ગેમીંગ ઝોનમાં મોકડ્રીલ કરશે. મ્યુનિ.ના એસ્ટેટ વિભાગને મંજુરી વગર કરવામાં આવેલા બાંધકામ તથા બિલ્ડિંગ યુઝ પરમીશનને લઈ દર મહિને તપાસ કરવા મ્યુનિ.કમિશનરે સુચના આપી છે.
અમદાવાદ ફાયરના નવ અધિકારીઓને બચાવનામુ રજૂ કરવા નોટિસ અપાઈ
બોગસ સ્પોન્સરશીપના આધારે અમદાવાદ ફાયર વિભાગમાં નોકરી મેળવવાના આરોપસર ફાયર વિભાગના નવ અધિકારીઓ સામે ચાલતી વિજિલન્સ તપાસ બાદ આ તમામ અધિકારીઓને તેમનુ બચાવનામુ એક સપ્તાહમાં રજૂ કરવા નોટિસ અપાઈ છે.જે અધિકારીઓને નોટિસ અપાઈ છે તેમાં ડિવીઝનલ ફાયર ઓફિસર ઓમ જાડેજા, કૈઝાદ દસ્તૂર ઉપરાંત ઈનાયત શેખનો સમાવેશ થાય છે.ઉપરાંત સ્ટેશન ઓફિસર તરીકે ફરજ બજાવતા અનિરુધ્ધ ગઢવી, અભિજિત ગઢવી, મેહુલ ગઢવી, શુભમ ખડીયા તથા સુધીર ગઢવી તેમજ અભિજિત ગઢવીનો સમાવેશ થાય છે.અભિજિત ગઢવી હાલ રીજીનલ ફાયર ઓફિસર તરીકે ફરજ બજાવે છે.તમામ તરફથી બચાવનામુ મળ્યા બાદ મ્યુનિસિપલ કોર્પોરેશનના ઈન્ડસ્ટ્રીયલ ડિપાર્ટમેન્ટ તરફથી અંતિમ હુકમ માટે મ્યુનિસિપલ કમિશનરની મંજૂરી માંગવામા આવશે.
