Amreli: સ્થાનિક પોલીસ ઊંઘતી રહી અને SMCએ પાડ્યા દરોડા, ખાંભામાં ઝડપાયો 1.04 કરોડનો દારૂ
અમરેલી 31 ડિસેમ્બરની પૂર્વસંધ્યાએ જ્યારે બુટલેગરો દારૂની રેલમછેલ કરવાની પેરવીમાં હતા, ત્યારે
અમરેલી 31 ડિસેમ્બરની પૂર્વસંધ્યાએ જ્યારે બુટલેગરો દારૂની રેલમછેલ કરવાની પેરવીમાં હતા, ત્યારે સ્ટેટ મોનિટરિંગ સેલ (SMC) એ અમરેલી જિલ્લામાં દારૂના મોટા નેટવર્કનો પર્દાફાશ કર્યો છે. ખાંભા તાલુકાના નાના વિસાવદર ગામે SMCની ટીમે દરોડો પાડીને લાખોની કિંમતનો વિદેશી દારૂનો જથ્થો ઝડપી પાડ્યો છે.
સ્થાનિક પોલીસ ઊંઘતી રહી અને SMC ત્રાટકી
અમરેલી જિલ્લામાં દારૂબંધીના લીરેલીરા ઉડાડતા આ મોટા જથ્થા અંગે સ્થાનિક પોલીસને અંધારામાં રાખીને ગાંધીનગરની સ્ટેટ મોનિટરિંગ સેલ દ્વારા આ ઓપરેશન પાર પાડવામાં આવ્યું હતું. ચોક્કસ બાતમીના આધારે પાડવામાં આવેલા આ દરોડામાં 4 વાહનોમાં ભરીને લઈ જવાતો દારૂનો જથ્થા સાથે ₹ 1,04,69,000ના મુદ્દામાલને પકડી પાડવામાં આવ્યો છે.
ગારિયાધારનો શખ્સ ઝડપાયો, 16 સામે ગુનો નોંધાયો
આ દરોડા દરમિયાન ભાવનગર જિલ્લાના ગારિયાધારનો વતની તનવીર નાસિર હુસૈન પોલીસના હાથે ઝડપાઈ ગયો છે. જ્યારે અન્ય 15 જેટલા શખ્સો સામે ખાંભા પોલીસ મથકમાં કાયદેસરની કાર્યવાહી હાથ ધરવામાં આવી છે. SMCની આ કડક કાર્યવાહીથી સ્થાનિક પોલીસની કામગીરી સામે પણ સવાલો ઉભા થયા છે.
આગામી 31 ડિસેમ્બરની ઉજવણીને ધ્યાને રાખીને અમરેલી અને આસપાસના જિલ્લાઓમાં બુટલેગરો સક્રિય થયા હોવાની આશંકા વચ્ચે SMCની આ મોટી સફળતા ગણવામાં આવી રહી છે.
