GANDHINAGAR / મીરા પટેલ બન્યાં ગાંધીનગરના નવા મેયર, ડે.મેયર પદે નટવરજી ઠાકોરની સર્વાનુમતે વરણી

Gandhinagar New Mayor :  ગાંધીનગર મ્યુનિસિપલ કોર્પોરેશન (GMC)એ આજે ​​સર્વાનુમતે કાઉન્સિલર મીરા પટેલને રાજ્યના પાટનગરના નવા મેયર તરીકે ચૂંટ્યા છે. કોર્પોરેશનની સામાન્ય સભા બાદ આ નિર્ણય જાહેર કરવામાં આવ્યો હતો. મીરા પટેલ ગાંધીનગરના વોર્ડ નંબર-10ના કાઉન્સિલર છે.

દરમિયાન વોર્ડ નંબર-1ના કાઉન્સિલર નટવરજી ઠાકોર ડેપ્યુટી મેયર તરીકે ચૂંટાયા છે. મહાનગરપાલિકાની સામાન્ય સભામાં શાસક પક્ષના 43 સભ્યોએ તેમને સર્વાનુમતે ચૂંટ્યા હતા.

નોંધનીય છે કે નવા મેયર એપ્રિલમાં ચાર્જ સંભાળવાના હતા, પરંતુ લોકસભાની ચૂંટણી અને ત્યારબાદ નવી સરકારના શપથ ગ્રહણ સમારોહને કારણે પ્રક્રિયામાં વિલંબ થયો હતો.

નવા મેયરની પસંદગી 10મી જૂને થવાની હતી, પરંતુ કેન્દ્રીય ગૃહમંત્રી તેમજ  ગાંધીનગરના સાંસદ અમિત શાહ અન્ય કામમાં વ્યસ્ત હોવાને કારણે સામાન્ય સભા મોકૂફ રહેતાં જાહેરાતમાં વિલંબ થયો હતો.

ગાંધીનગરના નવા ચૂંટાયેલા મેયર મીરાબેન પટેલે પોતાના વિચારો વ્યક્ત કરતાં હિતેશભાઈ મકવાણાના નેતૃત્વમાં છેલ્લા અઢી વર્ષમાં થયેલી પ્રગતિની સરાહના કરી હતી. તેમણે ભારપૂર્વક જણાવ્યું હતું કે આગામી ટર્મમાં તેમનું ધ્યાન કોર્પોરેશનમાં સમાવિષ્ટ શહેર અને નવા ગામોના વિકાસને પ્રાધાન્ય આપવા પર રહેશે.

ગાંધીનગર મ્યુનિસિપલ કોર્પોરેશનની નવી સ્ટેન્ડિંગ કમિટી:

1. ગૌરાંગ વ્યાસ
2. જશપાલસિંહ બિહોલા
3. છાયા ત્રિવેદી
4. પોપટસિંહ ગોહિલ
5. તેજલ વાળંદ
6. શૈલેષ પટેલ
7. શૈલા ત્રિવેદી
8. ઉષા ઠાકોર
9. કૈલાશ સુતરીયા
10. ભરત ગોહિલ
11. અલ્પા પટેલ
12. મીના સોલંકી

વ્હીપ : સેજલ પરમાર
પક્ષના નેતા : અનિલસિંહ વાઘેલા