રાજ્યની પ્રાથમિક શાળાઓમાં 5થી 25 નવેમ્બર સુધી દિવાળી વેકેશન, 26મીથી બીજા શૈક્ષણિક સત્રનો થશે પ્રારંભ

રાજ્યની તમામ માન્યતા પ્રાપ્ત પ્રાથમિક શાળાઓમાં ચાલુ શૈક્ષણિક વર્ષ માટે દિવાળી વેકેશન જાહેર કરતો પરિપત્ર પ્રાથમિક શિક્ષણ નિયામકની કચેરી દ્વારા જાહેર કરવામાં આવ્યો છે. દિવાળી વેકેશન 5 નવેમ્બરથી 25 નવેમ્બર, 2026 સુધી કુલ 21 દિવસનું રહેશે.

દિવાળી વેકેશનની મુદત: તા. 05/11/2026 થી તા. 25/11/2026 સુધી (કુલ 21 દિવસ)

તમામ પ્રાથમિક શાળાઓમાં તા. 26/11/2026થી બીજા શૈક્ષણિક સત્રનો પ્રારંભ થશે

પ્રાથમિક અને માધ્યમિક બંને શાળાઓના વિદ્યાર્થીઓનું વેકેશન એક જ સરખું રહેશે

વધુમાં, માધ્યમિક શાળાઓ માટે જિલ્લા શિક્ષણાધિકારી અને જિલ્લા પ્રાથમિક શિક્ષણાધિકારીઓએ પરસ્પર સંકલનમાં રહીને વેકેશનની તારીખો જાહેર કરવાની રહેશે, જેથી પ્રાથમિક અને માધ્યમિક બંને શાળાઓના વિદ્યાર્થીઓનું વેકેશન એક જ સરખું રહી શકે. આ પરિપત્રની જાણકારી સરકારી અને ગ્રાન્ટેડ અધ્યાપન મંદિરો, બાલ અધ્યાપન મંદિરો, સ્વનિર્ભર પીટીસી કોલેજો તેમજ તાબા હેઠળની તમામ શાળાઓને કરવાની રહેશે.

અધ્યાપન મંદિરોમાં 16/11થી શૈક્ષણિક કાર્ય શરૂ થશે

સાથે જ, તમામ અધ્યાપન મંદિરોના પ્રથમ વર્ષ માટે NCTEના ધારા-ધોરણ મુજબ નિયત કાર્ય દિવસો પૂર્ણ કરવાના હોવાથી તા. 16/11/2026 થી તેમનું શૈક્ષણિક કાર્ય રાબેતા મુજબ શરૂ થશે.