સુરત/ પાંડેસરામાં ત્રણ બાળકીઓ સાથે શારીરિક અડપલાં કરનાર ઝડપાયો

સુરતમાં બાળકીઓ પરના અત્યાચારો ઓછા થવાનું નામ ન લઈ રહ્યા હોય તેવા બનાવોમાં સતત વધારો થઈ રહ્યો છે. ત્યારે પાંડેસરા વિસ્તારમાં થોડા દિવસો અગાઉ ત્રણ બાળકીઓ સાથે એક આધેડે અડપલાં કર્યા હતાં. આ અંગે પોલીસમાં જાણ કરવામાં આવી હતી. જેથી પોલીસે શારીરિક અડપલાં કરનારને ઝડપી લઈને આગળની કાર્યવાહી હાથ ધરી છે.

ગાલના ભાગે કિસ કરી

પાંડેસરા વિસ્તારમાં એપાર્ટમેન્ટમાં રહેતી ત્રણ બાળકીઓ સાથે શારીરિક અડપલા કરવામાં આવ્યા હતાં. જેથી આ અંગે બાળકીઓના વાલીઓ સહિતનાએ પોલીસમાં ફરિયાદ આપી હતી. જેથી પાંડેસરા પોલીસે વિજય ભગવાનભાઈ ઇંગળેને ઝડપી પાડ્યો હતો. વિજય ઈંગળેએ બાળકીઓને ગાલના ભાગે કિસ કરી હતી. 

આરોપીનો લૂલો બચાવ

વિજય ઈંગળેએ બિલ્ડીંગમાં રહેતી ત્રણ બાળકીઓને અડપલાં કર્યા હતા. આ અંગે સ્થાનિકોએ પોલીસમાં અરજી આપી હતી. સાથે જ આકરા પગલાં લેવાની માગ કરી હતી. જેથી પોલીસે ગુનો નોંધી આરોપીની ધરપકડ કરી વધુ તપાસ શરૂ કરી છે. જો કે, સમગ્ર મામલે આરોપીએ લૂલો બચાવ કર્યો હોવાનું સામે આવ્યું છે.