લોન લેનારના મૃત્યુ પછી બેંકો કોની પાસેથી વસૂલાત કરશે

આજના સમયમાં લોન લેવી એક સામાન્ય બાબત બની ગઈ છે. લોકો તેમની વિવિધ જરૂરિયાતો પૂરી કરવા માટે લોન લે છે. લોકો ઘણીવાર ઘર ખરીદવા, કાર ખરીદવા અથવા અંગત ખર્ચ વગેરે માટે બેંકો પાસેથી લોન લે છે. આ લોન પર બેંકો દ્વારા વ્યાજ પણ વસૂલવામાં આવે છે. લોન લેનાર વ્યક્તિએ દર મહિને તેના હપ્તા (EMI) ચૂકવવા પડે છે. કોઈ પણ બેંક કોઈ વ્યક્તિને લોન આપતા પહેલા તેના નાણાકીય ઇતિહાસ વિશે જાણી લે છે. સંપૂર્ણ ખાતરી થયા પછી જ બેંક તે વ્યક્તિને લોન આપે છે.

પરંતુ શું તમે જાણો છો કે જો લોન લેનાર વ્યક્તિ લોન ચૂકવતા પહેલા જ મૃત્યુ પામે છે, તો આવી સ્થિતિમાં લોનની જવાબદારી કોણ લેશે? લોન લેનારના મૃત્યુ પછી બેંકો માટે લોનની રકમ વસૂલ કરવી પણ ખૂબ મુશ્કેલ બની જાય છે.  લેનારના મૃત્યુ પછી બેંક લોનની રકમ કેવી રીતે વસૂલ કરે છે.

લોન ચૂકવવા માટે બેંક આ પગલાં લે છે

ટાટા કેપિટલના જણાવ્યા અનુસાર, જો લોન લેનારનું મૃત્યુ થાય છે, તો બેંક પહેલા લોન ચૂકવવા માટે સહ-અરજદારોનો સંપર્ક કરે છે. જો સહ-અરજદાર પણ લોન ચૂકવી શકતા નથી, તો બેંકો ગેરંટર, મૃતકના પરિવારના સભ્યો અથવા કાનૂની વારસદારનો સંપર્ક કરે છે અને તેમને બાકીની રકમ ચૂકવવાનું કહે છે. જો આમાંથી કોઈ પણ વ્યક્તિ લોન ચૂકવવામાં અસમર્થ હોય, તો બેંક મૃતકની મિલકત જપ્ત કરી શકે છે અને બાકી લોનની રકમ વસૂલવા માટે તેને વેચી શકે છે.

બેંક ઘરની હરાજી કરે છે

જો કોઈ વ્યક્તિએ હોમ લોન કે કાર લોન લીધી હોય તો તેનું મૃત્યુ થાય છે, તો બેંકો તેનું ઘર અને કાર જપ્ત કરે છે. જે કોઈપણ પરિવાર માટે ખૂબ જ મુશ્કેલ પરિસ્થિતિ બની જાય છે. બેંક લોન લેનાર વ્યક્તિના મૃત્યુ પછી, તેની મિલકતો જપ્ત કરવામાં આવે છે અને તેની હરાજી કરવામાં આવે છે. બેંકો હરાજીમાં મળેલી રકમમાંથી તેમની લોન વસૂલ કરે છે. તેવી જ રીતે, અન્ય કોઈપણ લોનમાં, બેંક મૃતકની બાકીની મિલકત પણ જપ્ત કરી શકે છે અને તેને વેચીને લોનની રકમ વસૂલ કરી શકે છે.

આ પણ વાંચો : ચેક બાઉન્સ થવાના કિસ્સામાં કોર્ટના ધક્કાથી બચવા માંગતા હો, તો જાણો આ નિયમો

ઘર કે કોઈપણ વસ્તુની હરાજી જોવી એ કોઈપણ પરિવાર માટે ખૂબ જ મુશ્કેલ સમય બની જાય છે. તેથી, સલાહ આપવામાં આવે છે કે લોકોએ ઓછામાં ઓછા 1 કરોડ રૂપિયાનો ટર્મ વીમો લેવો જોઈએ, જેથી જો તેમને કંઈક થાય, તો વીમા રકમમાંથી લોનની ભરપાઈ કરી શકાય.