મારુતિ પાસેથી નંબર-1 તાજ છીનવી લેનારી એકમાત્ર આ કાર, સેફ્ટી-ફીચર્સમાં પણ સૌથી બેસ્ટ!

મારુતિ સુઝુકી છેલ્લા 22 વર્ષથી ભારતીય કાર માર્કેટમાં અગ્રેસર છે. જો આપણે દર મહિને વેચાતી ટોપ-10 કાર પર નજર કરીએ તો મોટાભાગે મારુતિની કાર આ યાદીમાં રહે છે. WagonR, Swift, Dezire અને Ertiga જેવી મારુતિની કાર ભારતમાં સૌથી વધુ વેચાતી મોડલ તરીકે ઓળખાય છે. વેચાણની દૃષ્ટિએ આ કાર હંમેશા પ્રથમ, બીજા કે ત્રીજા સ્થાન પર રહે છે.

જો કે, થોડા વર્ષો પહેલા દેશની એક કાર ઉત્પાદકે એક SUV લોન્ચ કરી જેણે મારુતિની કાર પાસેથી નંબર-1નો તાજ છીનવી લીધો. આ કાર 4 લાખથી વધુ ઘરોમાં પહોંચી ગઈ છે અને તેની કિંમત પર શ્રેષ્ઠ પ્રદર્શન, જગ્યા અને સલામતી ફીચર્સ આપે છે.

આ કારે નંબર-1નો તાજ છીનવી લીધો હતો

ટાટા પંચ ભારતીય કાર બજારમાં જાણીતું નામ છે. ટાટા મોટર્સે તેને ઓક્ટોબર 2021માં બજેટ SUV તરીકે લૉન્ચ કરી હતી અને ત્યારથી તેની લોકપ્રિયતા ચાલુ છે. કંપનીએ તેને 5.49 લાખની એક્સ-શોરૂમ કિંમતે લોન્ચ કરી છે અને તે હજુ પણ તેના સેગમેન્ટમાં સૌથી સુરક્ષિત કાર છે. ટાટા પંચની લેટેસ્ટ જનરેશનની કિંમત 6.12 લાખ (એક્સ-શોરૂમ) છે અને આ કાર 5-સ્ટાર ગ્લોબલ NCAP સેફ્ટી રેટિંગ સાથે આવે છે. કંપની તેને પેટ્રોલની સાથે CNG અને ઇલેક્ટ્રિક વર્ઝનમાં પણ ઓફર કરી રહી છે.

આ પણ વાંચો : વર્ષના છેલ્લા મહિનામાં ટાટા આપી રહી છે શાનદાર ઓફર, ડિસેમ્બરમાં વાહનો પર થશે લાખોની બચત

રિપોર્ટ અનુસાર, જાન્યુઆરીથી જુલાઈ 2024 વચ્ચે મારુતિ વેગનઆરના કુલ 1,16,000 યુનિટ્નું વેચાણ થયું છે, જ્યારે આ જ સમયગાળા દરમિયાન ટાટા પંચે 1,26,000 કરતાં વધુ યુનિટનું વેચાણ નોંધાવ્યું છે. જો આપણે વેચાણમાં પેટ્રોલ સિવાયના અન્ય મોડલ્સના યોગદાન પર નજર કરીએ, તો વેગનરના વેચાણમાં 45% CNG મોડલ્સમાંથી આવ્યા હતા જ્યારે પંચના વેચાણમાં CNG અને ઇલેક્ટ્રિક મોડલ્સનું યોગદાન 47% હતું.

ટાટા પંચની સફળતાનું રાઝ

પંચ એક માઇક્રો એસયુવી છે, જે સસ્તું ભાવે એસયુવી જેવી સુવિધાઓ આપે છે. વધુમાં પંચ માત્ર પેટ્રોલ વિકલ્પોથી આગળ વધીને મલ્ટિ-ફ્યુઅલ વિકલ્પો તરફ આગળ વધ્યું છે, જે ગ્રાહકોને પેટ્રોલ ઉપરાંત CNG અને ઇલેક્ટ્રિક મોડલ વચ્ચે પસંદગી કરવાનો વિકલ્પ આપે છે. પંચના ઇલેક્ટ્રિક અને CNG વેરિયન્ટ તેના કુલ વેચાણમાં 47% હિસ્સો ધરાવે છે, જે વૈકલ્પિક ઇંધણ વિકલ્પોની લોકપ્રિયતા દર્શાવે છે. આ ફેરફારથી એ પણ સ્પષ્ટ થાય છે કે ગ્રાહકોનું હિત હવે પરંપરાગત ઈંધણથી દૂર થઈને વૈકલ્પિક ઈંધણ વિકલ્પો તરફ જઈ રહ્યું છે.