iPhone, iPad સહિતની ઘણી પ્રોડક્ટ્સ માટે સરકારે જાહેર કરી ચેતવણી, જાણો કેવી રીતે રહેશો સુરક્ષિત 

ભારતીય કોમ્પ્યુટર ઇમરજન્સી રિસ્પોન્સ ટીમ એટલે કે CERT-In એ તાજેતરમાં ઉચ્ચ જોખમની ચેતવણી જારી કરી છે જેમાં Appleની વિવિધ પ્રોડક્ટ્સમાં ઘણી ગંભીર સુરક્ષા ખામીઓ બહાર આવી છે. આ ખમીઓનો લાભ લઈને, હેકર્સ તમારા સંવેદનશીલ ડેટાને ઍક્સેસ કરી શકે છે, તમારા ઉપકરણ પર નિયંત્રણ મેળવી શકે છે અથવા તમારી સિસ્ટમને સંપૂર્ણપણે ક્રેશ કરી શકે છે. હાલમાં લાખો iPhone અને iPad યુઝર્સ જોખમમાં છે. ચાલો જાણીએ એપલના કયા ઉત્પાદનોમાં ખામીઓ છે...

આ ખામીઓ કયા ઉત્પાદનોને અસર કરે છે?

iPhones અને iPads: iOS અને iPadOS ના જૂના વર્ઝન
MacBooks: macOS સોનોમા, macOS વેન્ચુરા અને macOS મોન્ટેરીનાં જૂનાં વર્ઝન
Apple Watch: watchOS ની જૂના વર્ઝન
Apple TV: tvOS ની જૂના વર્ઝન
Apple Vision Pro: visionOS ની જૂના વર્ઝન
સફારી વેબ બ્રાઉઝર: સફારી 17.6 પહેલાના વર્ઝન

જો તમે ધ્યાન ના આપો તો...

આ ખામીઓનો લાભ લઈને, હેકર્સ તમારા સંવેદનશીલ ડેટાને એક્સેસ કરી શકે છે, જેમ કે તમારા પાસવર્ડ્સ, બેંક વિગતો અને અન્ય અંગત વિગતોની ચોરી કરી શકે છે. એટલું જ નહીં, આ ખામીઓનો લાભ લઈને, હેકર્સ તમારા ઉપકરણ પર નિયંત્રણ મેળવી શકે છે, તેઓ તમારા ઉપકરણ પર મનસ્વી ક્રિયાઓ કરી શકે છે, જેમ કે ફાઇલો કાઢી નાખવી, એપ્લિકેશન્સ ઇન્સ્ટોલ કરવી અથવા તમારા કેમેરા અને માઇક્રોફોનનો ઉપયોગ કરવો. આ સિવાય હેકર્સ આ ખામીઓનો ફાયદો ઉઠાવીને તમારા ઉપકરણને નિષ્ક્રિય પણ કરી શકે છે, જેના કારણે તમે તેનો ઉપયોગ કરી શકશો નહીં.

સુરક્ષિત કેવી રીતે રહેવું તે જાણો છો?

CERT-In એ વપરાશકર્તાઓને તેમના Apple ઉપકરણોને શક્ય તેટલી વહેલી તકે અપડેટ કરવા જણાવ્યું છે. એપલે આ ખામીઓને સુધારવા માટે નવા સોફ્ટવેર અપડેટ્સ બહાર પાડ્યા છે. તમે તમારા ઉપકરણની સેટિંગ્સમાં જઈને આ અપડેટ્સ ઇન્સ્ટોલ કરી શકો છો.

સોફ્ટવેર કેવી રીતે અપડેટ કરવું?

સેટિંગ્સ પર જાઓ: તમારા iPhone ની સેટિંગ્સ એપ્લિકેશન ખોલો.
જનરલ પર ટેપ કરો: સેટિંગ્સમાં 'જનરલ' વિકલ્પ પર ટેપ કરો.
સોફ્ટવેર અપડેટને ટેપ કરો: 'જનરલ' હેઠળ, 'સોફ્ટવેર અપડેટ' વિકલ્પને ટેપ કરો.
અપડેટ્સ ડાઉનલોડ કરો અને ઇન્સ્ટોલ કરો: જો કોઈ અપડેટ ઉપલબ્ધ હોય, તો તમે તેને ડાઉનલોડ અને ઇન્સ્ટોલ કરી શકો છો.