કીબોર્ડનો અવાજ સાંભળીને એપ્સ ચોરી કરી રહ્યા છે પાસવર્ડ, મોટી ફોન બ્રાન્ડ લિસ્ટમાં સામેલ

સ્માર્ટફોન જેટલી વધુ સગવડ આપે છે, તે એટલું જ તમારા માટે જોખમી બની શકે છે, કારણ કે તમારી અંગત માહિતી સેવ કરવાની સાથે ફોનમાં બેંકિંગ સેવાનો ઉપયોગ પણ કરવામાં આવે છે.  અગ્રણી સ્માર્ટફોન બ્રાન્ડ્સ Samsung, Xiaomi, Vivo અને Oppo વિશે એક ચોંકાવનારો ઘટસ્ફોટ પ્રકાશમાં આવ્યો છે, જેમાં કીબોર્ડના સ્ટ્રોકના અવાજના રેકોર્ડિંગથી ફોનમાંથી બેંકિંગ અને સોશિયલ મીડિયાના પાસવર્ડની ચોરી કરવાનો કિસ્સો પ્રકાશમાં આવ્યો છે.

કેવી રીતે છેતરપિંડી કરવામાં આવે છે

જ્યારે તમે સ્માર્ટફોનથી બેંકિંગ પેમેન્ટ અથવા સોશિયલ મીડિયા એપમાં લોગિન કરો છો, ત્યારે તમારે લોગિન આઈડી અને પાસવર્ડ દાખલ કરવો પડે છે. જો કે, કેટલાક ખાસ પ્રકારના કીબોર્ડ બનાવવામાં આવી રહ્યા છે, જેના દ્વારા તે જાણી શકાય છે કે તમે કયો લોગિન આઈડી અને પાસવર્ડ દાખલ કર્યો છે. આમાં કીબોર્ડ સ્ટ્રોક રજીસ્ટર થાય છે. સિટીઝન લેબના લેટેસ્ટ રિપોર્ટમાં આવા ઘણા કીબોર્ડ એપ્સની ઓળખ કરવામાં આવી છે, જેમાં સુરક્ષા જોખમ રહેલું છે. એવો પણ દાવો કરવામાં આવ્યો છે કે આ એપ્સ કીસ્ટ્રોક લીક કરી શકે છે. વધુ ખતરનાક વાત એ છે કે આ કીબોર્ડ એપ્સનો ઉપયોગ Samsung, Xiaomi જેવા સ્માર્ટફોનમાં કરવામાં આવ્યો છે.

કઈ કીબોર્ડ એપ્સ વાપરવામાં જોખમી છે?

• સેમસંગ કીબોર્ડ
• Xiaomi ફોનના Baidu, iFlytek અને Sogou કીબોર્ડ
• Vivo અને Oppoનું Sogou IME કીબોર્ડ
• Honor's Baidu IME કીબોર્ડ

રિપોર્ટ અનુસાર, ચીનમાં આવા કીબોર્ડ એપ્સનો ઉપયોગ કરવામાં આવે છે, જે સર્વરમાં કીબોર્ડ સ્ટ્રોકને સ્ટોર કરે છે.

શુ કરવુ જોઈએ ?

તમારા કીબોર્ડ એપને હંમેશા અપડેટ રાખો. બને ત્યાં સુધી નોર્મલ કીબોર્ડ  એપ્સનો ઉપયોગ કરવાનું રાખો.