VIDEO / ભારતમાં આવી Xiaomiની ઈલેક્ટ્રિક કાર? બેંગલુરુ ઈવેન્ટમાં પ્રદર્શિત કરી, 3 સેકન્ડમાં પહોંચે છે 100 KMની ઝડપે

Xiaomi એ મંગળવારે ભારતમાં એક ઈવેન્ટનું આયોજન કર્યું હતું. આ ઈવેન્ટ દરમિયાન, કંપનીએ તેની ઈલેક્ટ્રિક કારનું પ્રદર્શન પણ કર્યું. આ કારનું નામ Xiaomi SU7 છે. આ કારની ટોપ સ્પીડ 265 કિલોમીટર પ્રતિ કલાકની છે અને તે માત્ર 3 સેકન્ડથી પણ ઓછા સમયમાં 0-100 કિલોમીટરની ઝડપ પકડી લે છે.

જોકે Xiaomi એ બેંગલુરુમાં આયોજિત ઇવેન્ટ દરમિયાન સ્માર્ટફોન Redmi 13 5G લોન્ચ કર્યો છે, જે એક સસ્તું સ્માર્ટફોન છે. આ સિવાય TWS અને પાવર બેંક પણ લોન્ચ કરવામાં આવી હતી. આ પછી આખરે કંપનીએ આ કારનું અનાવરણ કર્યું. કંપનીએ હજુ સુધી આ કારને ભારતમાં લોન્ચ નથી કરી, અહીં તેને માત્ર શોકેસ કરી છે. લોન્ચિંગ અંગે કોઈ સત્તાવાર વિગતો જાહેર કરવામાં આવી નથી.

Xiaomi SU7 કારના ફીચર્સ

Xiaomi એ ઈવેન્ટ દરમિયાન પોતાની ઈલેક્ટ્રિક કારના ફીચર્સ વિશે પણ જણાવ્યું હતું. આ એક સંપૂર્ણ ઈલેક્ટ્રિક કાર છે અને તેનું નામ Xiaomi SU7 છે. આ કાર માત્ર 2.78 સેકન્ડમાં 0-100 કિલોમીટર પ્રતિ કલાકની ઝડપ પકડી લે છે. જ્યારે 0-200 કિમીની સ્પીડ 10.67 સેકન્ડમાં પહોંચી જાય છે. તેની ટોપ સ્પીડ 265 કિલોમીટર પ્રતિ કલાક છે.

તેમાં ઘણા મોડ્સ છે

Xiaomiની આ ઈલેક્ટ્રિક કારમાં ઈન્ડિવિજ્યુઅલ ડ્રાઇવ મોડ આપવામાં આવ્યો છે. તે Xiaomi સ્માર્ટ ચેસિસ પર બનેલ છે. સુરક્ષાને ધ્યાનમાં રાખીને કંપનીએ તેમાં ટોપ લેવલ બ્રેકિંગ સિસ્ટમ તૈયાર કરી છે.

એક જ ચાર્જમાં આટલી રેન્જ આપે છે

Xiaomiની આ ઈલેક્ટ્રિક કાર સિંગલ ચાર્જમાં 800 KMની રેન્જ આપે છે. મહત્તમ ટોર્ક 838NM છે અને મહત્તમ પાવર 673PS છે.