Video: સુરેન્દ્રનગરમાં સમયસર પીવાનું પાણી ન મળતા મહિલાઓ વીફરી, પાલિકા કચેરી ખાતે થાળી-વેલણ વગાડી કર્યો વિરોધ

સુરેન્દ્રનગર મહાનગરપાલિકામાં પાણીની વિકટ સમસ્યાને મુદ્દે સ્થાનિક મહિલાઓએ રણચંડી બની ભારે હોબાળો મચાવ્યો છે. ભીમરાવ, ફિરદૌસ અને મફતિયાપરા સહિતની 5થી વધુ સોસાયટીઓમાં સમયસર પીવાનું પાણી ન મળતા રોષે ભરાયેલી મહિલાઓએ પાલિકા કચેરી ખાતે થાળી-વેલણ વગાડી અનોખો વિરોધ પ્રદર્શન કર્યો હતો. રમઝાન માસ પણ શરૂ થતો હોવાથી આ સમસ્યાનું વહેલી તકે નિરાકરણ લાવવા માંગ કરાઈ છે. આ દરમિયાન મહિલાઓએ ડેપ્યુટી કમિશનરનો ઘેરાવ કરી ઉગ્ર રજૂઆત કરી હતી અને ચીમકી ઉચ્ચારી હતી કે જો સત્વરે નિયમિત પાણી પુરવઠો પૂરો પાડવામાં નહીં આવે તો મહાનગરપાલિકાને તાળાબંધી કરવામાં આવશે.