Video/ નવા વર્ષના પ્રારંભે અંબાણી પરિવાર દ્વારકાધીશના શરણે, મુકેશ અંબાણીએ પુત્ર અનંત અને રાધિકા સાથે કર્યા દર્શન

ભારત અને વિશ્વના અગ્રણી ઉદ્યોગપતિ મુકેશ અંબાણી નવા વર્ષના પવિત્ર અવસરે ભગવાન દ્વારકાધીશના આશીર્વાદ લેવા માટે યાત્રાધામ દ્વારકા પહોંચ્યા હતા. તેમની સાથે પુત્ર અનંત અંબાણી અને પુત્રવધૂ રાધિકા અંબાણી પણ ઉપસ્થિત રહ્યા હતા.

વર્ષની અંતિમ ક્ષણોમાં ભક્તિનો માહોલ

અંબાણી પરિવારે વર્ષના અંતિમ દિવસે અને નવા વર્ષના આગમન પૂર્વે જગત મંદિરના શિખરે બિરાજતા કાળિયા ઠાકોરના શરણમાં શીશ ઝુકાવ્યું હતું. તેમણે ભગવાન દ્વારકાધીશની વિશેષ પૂજા-અર્ચના કરી હતી અને આગામી વર્ષ 2026  સમગ્ર દેશ અને પરિવાર માટે સુખદ, સમૃદ્ધ અને શાંતિપૂર્ણ રહે તે માટે પ્રાર્થના કરી હતી.

ભક્તોમાં આકર્ષણનું કેન્દ્ર

અંબાણી પરિવારની ઓચિંતી મુલાકાતને પગલે મંદિર પરિસરમાં સુરક્ષા વ્યવસ્થા ચુસ્ત કરી દેવામાં આવી હતી. દર્શન બાદ મુકેશ અંબાણીએ દ્વારકાધીશના દર્શન કરી ધન્યતા અનુભવી હોવાનું જણાવ્યું હતું. રાધિકા અને અનંત અંબાણીએ પણ ભક્તિભાવ સાથે ઠાકોરજીના આશીર્વાદ મેળવ્યા હતા. દ્વારકાના પૂજારીઓ દ્વારા અંબાણી પરિવારનું શાસ્ત્રોક્ત વિધિથી સ્વાગત કરવામાં આવ્યું હતું.