VIDEO: નવા બનતા મકાનની અંડરગ્રાઉન્ડ ટાંકીમાં પડી ભેંસ, પછી જુઓ શું થયું

ગીર સોમનાથ જિલ્લાના વેરાવળ તાલુકામાં એક ભેંસ નવા બનતા મકાનની અંડરગ્રાઉન્ડ પાણીની ટાંકીમાં પડી ગઈ હતી. ભારે જહેમત કર્યા બાદ તેને બહાર નિકાળાતા લોકોએ રાહતનો શ્વાસ લીધો હતો.

વેરાવળનાં ભાલકા-ભાલપરા વિસ્તારમાં આવેલી એકતા નગર સોસાયટીમાં ગઈકાલે રાત્રિના સમયગાળા દરમિયાન નવા બનતા મકાનના ભોય તળિયે પાણીની ટાંકી બનાવવાની કામગીરી ચાલુ હતી. જોકે આ ટાંકીનો ઉપરનો ભાગ ખુલ્લો હોવાથી મોડી રાત્રે એક ભેંસ તેમાં પડી જતા લોકોના ટોળા એકઠા થઇ ગયા હતા.

આ પણ વાંચો : જુનાગઢ બાદ હવે 450 વર્ષ જુના આ મઠના નવા ઉત્તરાધિકારી માટે સાધુઓ વચ્ચે ખેંચતાણ શરુ

ત્યારબાદ ગૌશાળાના સેવકોને બોલાવવામાં આવ્યા અને તેમના અને આસપાસના રહેવાસીઓના દ્વારા અનેકો પ્રયાસ કરવા છતાં પણ ભેંસ બહાર ન નીકળી. છેવટે ફાયર બ્રિગેડને બોલાવવામાં આવી પરંતુ તેમનાથી પણ બનતી કોશિશ કરવા છતાં ભેંસ બહાર ન નીકળતા આખરે ક્રેનને બોલાવવામાં આવી અને આખરે ક્રેનની મદદથી ભેંસને સહી સલામત બહાર નીકળવામાં આવી. અંતે ભેંસ બહાર નિકળતા સૌ લોકોએ રાહતનો શ્વાસ લીધો હતો.