વ્હેલ દીકરાને ગળી રહી હતી, અને પિતા બનાવી રહ્યા હતા VIDEO, પછી જે થયું તે તમે વિચાર્યું પણ નહિ હોય

ઇન્ટરનેટ પણ ઘણા VIDEO વાયરલ થતા હોય છે. હાલમાં જ એક ડરામણો અને રોમાંચક VIDEO સામે આવ્યો છે જેમાં એક હમ્પબેક વ્હેલ એક યુવાનને ગળી જાય છે અને પછી ઉલટી કરે છે. આ ઘટના ચિલીના પેટાગોનિયામાં બની હતી. યુવકના પિતાએ આ સમગ્ર ઘટનાનો VIDEO બનાવ્યો છે. એડ્રિયન સિમાકસ તેના પિતા સાથે સમુદ્રમાં સફર કરી રહ્યો હતો. તેના પિતા તેનો VIDEO બનાવી રહ્યા હતા.

હમ્પબેક વ્હેલ માણસને ગળી જાય છે

આ દરમિયાન, સમુદ્રના પાણીમાંથી એક વિશાળ હમ્પબેક વ્હેલ બહાર આવે છે અને એડ્રિયનને તેની હોડી સાથે ગળી જાય છે. પરંતુ થોડીવારમાં જ તેને ઉલટી થાય છે અને એડ્રિયન તેની બોટ સાથે વ્હેલના મોંમાંથી બહાર નીકળી જાય છે. એડ્રિયનના પિતા ડેલ થોડા મીટર દૂર હતા. તેઓ તરત જ એડ્રિયનને પોતાની તરફ ખેંચે છે. આ સમય દરમિયાન વ્હેલ પાણીમાં ગરકાવ થી જાય છે. 

સમગ્ર ઘટના કેમેરામાં કેદ થઈ ગઈ

આ સમય દરમિયાન, ડેલ એડ્રિયનને શાંત રહેવા માટે પણ કહી રહ્યા હતા.  અને સમગ્ર ઘટનાનો VIDEO બનાવી રહ્યા હતા.  આ ઘટના પછી એડ્રિયનએ કહ્યું - મને એવું લાગ્યું કે જાણે વ્હેલ મને ગળી ગઈ હોય અને ખાઈ ગઈ હોય. આ ખૂબ જ ડરામણી ક્ષણ હતી. હું મરવાની તૈયારીમાં હતો. એડ્રિયનએ કહ્યું, મને લાગ્યું કે હું મરી ગયો છું અને તે ખૂબ જ ભયાનક હતું. કારણ કે મને લાગતું હતું કે હવે હું કંઈ કરી શકું તેમ નથી.

એડ્રિયનએ કહ્યું- જ્યારે હું બહાર આવ્યો ત્યારે હું વધુ ડરી ગયો કારણ કે મને લાગ્યું કે મારા પિતા સાથે પણ કંઈક થશે. મને લાગ્યું કે અમે સમયસર કિનારા સુધી પહોંચી શકીશું નહીં અને ઠંડી (હાયપોથર્મિયા) ને કારણે મરી જઈશું. એડ્રિયનએ કહ્યું - ભાનમાં આવ્યા પછી, મને સમજાયું કે વ્હેલ જિજ્ઞાસાથી મારી પાસે આવી હશે અથવા તે કંઈક કહેવા માંગતી હશે.