VIDEO: જખૌ નજીક શંકાસ્પદ ટ્રાન્સપોન્ડર બિનવારસી હાલતમાં મળ્યું, સુરક્ષા એજન્સીઓ સતર્ક

કચ્છના જખૌ નજીક સુલેમાનપીર ટાપુ ખાતેથી ફૂટ પેટ્રોલિંગ દરમિયાન સુરક્ષા એજન્સીઓને એક શંકાસ્પદ  સેટેલાઇટ-બેઝ્ડ ટ્રાન્સપોન્ડર બિનવારસી હાલતમાં મળી આવ્યું છે. આ મામલે જખૌ પોલીસ, સ્ટેટ આઈ.બી., એસ.ઓ.જી. ભુજ અને એલ.આઈ.બી.ની સંયુક્ત ટીમોએ સાથે મળીને તપાસ હાથ ધરી છે.

નોંધનીય છે કે, તાજેતરમાં જ આ દરિયાઈ સરહદ પરથી મિસાઈલ સેલ અને ચાઈનીઝ ડ્રોન જેવાં શંકાસ્પદ સાધનો પણ તણાઈ આવેલાં મળી ચૂક્યાં છે. દેશની દરિયાઈ સરહદ પર સતત મળી રહેલી આ પ્રકારની સંદિગ્ધ વસ્તુઓને પગલે તમામ રાષ્ટ્રીય સુરક્ષા એજન્સીઓ અત્યંત સતર્ક બની ગઈ છે અને સમગ્ર મામલાને ગંભીરતાથી લઈને સઘન તપાસ તેજ કરી દેવામાં આવી છે.