VIDEO: સાબરકાંઠાના ઇડરમાં તંત્રની ડિમોલેશન ઝુંબેશ વચ્ચે 40 વર્ષથી રહેતા શ્રમિક પરિવારો બેઘર બન્યા

સાબરકાંઠાના ઇડરમાં મહારાણા પ્રતાપ સર્કલ નજીક તંત્ર દ્વારા છેલ્લા બે દિવસથી ભારે પોલીસ બંદોબસ્ત વચ્ચે દબાણ હટાવવાની કામગીરી ચાલી રહી છે. ત્રીજી નોટિસ આપ્યા વિના જ હાથ ધરાયેલી આ કાર્યવાહીને કારણે છેલ્લા 40 વર્ષથી વસવાટ કરતા ગરીબ શ્રમિક પરિવારો ઘરવિહોણા બનતા રોષ વ્યાપી ગયો છે. પૂરતો સમય ન આપવાનો આક્ષેપ થઈ રહ્યો છે, ત્યારે ડિમોલેશન દરમિયાન મકાનની છત ધરાશાયી થતાં બે યુવાનો ગંભીર રીતે ઇજાગ્રસ્ત થયા હતા. તંત્રની બેદરકારીથી ઘવાયેલા આ યુવાનોને તાત્કાલિક સ્થાનિક સિવિલ બાદ વધુ સારવાર અર્થે હિંમતનગર ખસેડવામાં આવ્યા છે. હોસ્પિટલમાં ઘાયલ યુવાનોના પરિવારજનોના હૃદયદ્રાવક રુદનથી સમગ્ર વાતાવરણ ગમગીન બની ગયું છે.