Video: વડોદરામાં ખોદકામ દરમિયાન હેન્ડ ગેસ ગ્રેનેડ મળતા દોડધામ, તપાસમાં આ ખુલાસો થતા સ્થાનિકોએ અનુભવ્યો હાશકારો

વડોદરાના નવાપુરા વિસ્તારમાં આવેલ મહેબૂબપુરાના ભાથુજી મહોલ્લા નજીક ખોદકામ દરમિયાન બોમ્બ જેવો પદાર્થ મળતા અફરાતફરીનો માહોલ સર્જાયો છે. ધાર્મિક સ્થાનના ખોદકામ દરમિયાન આ વણ-ફૂટેલો પદાર્થ મળ્યો હતો. પોલીસ તપાસમાં આ પદાર્થ પોલીસનો જ 'હેન્ડ ગેસ ગ્રેનેડ' હોવાનું બહાર આવતાં હાશકારો થયો હતો. 

ગ્રેનેડ ૪૦ વર્ષ કરતાં વધુ જૂનો હોવાથી જોખમ ન હોવાનો દાવો 

વડોદરાના નવાપુરા વિસ્તારમાં આવેલ મહેબૂબપુરાના ભાથુજી મહોલ્લા નજીક ખોદકામ દરમિયાન બોમ્બ જેવો પદાર્થ મળી આવતાં દોડધામ મચી ગઈ હતી. ધાર્મિક સ્થાનના ખોદકામ દરમિયાન આ વણ-ફૂટેલો પદાર્થ મળ્યો હતો. ઘટનાની જાણ થતાં નવાપુરા પોલીસ સહિતની વિવિધ ટીમો તાત્કાલિક સ્થળ પર દોડી આવી હતી. પોલીસ તપાસમાં આ પદાર્થ પોલીસનો જ 'હેન્ડ ગેસ ગ્રેનેડ' હોવાનું બહાર આવતાં હાશકારો થયો હતો. પોલીસે આ ગ્રેનેડ ૪૦ વર્ષ કરતાં વધુ જૂનો હોવાનો અને તેનાથી કોઈ જોખમ ન હોવાનો દાવો કર્યો છે. જોકે, સ્થાનિક અગ્રણી શીલાબેન ઠાકોરે આ ગ્રેનેડ કોઈ મૂકી ગયું હોવાના આક્ષેપો કર્યા છે. પોલીસે આ અંગે વધુ તપાસ હાથ ધરી છે.