Video: ખેડૂતોને હેક્ટર દીઠ 8500ની સહાય અપૂરતી હોવાનો આક્ષેપ
રાજ્ય સરકારે ચાર જિલ્લાઓને દુષ્કાળગ્રસ્ત જાહેર કરતાં ધોરાજીના પૂર્વ ધારાસભ્ય લલિત વસોયાએ સહાયની રકમ સામે સવાલો ઉઠાવ્યા છે. વસોયાએ આક્ષેપ કર્યો કે ભાજપ સરકારે ખેડૂતો સાથે ક્રૂર મજાક કરી છે અને હેક્ટર દીઠ 8,500 રૂપિયાની સહાય ખેડૂતો માટે અપૂરતી છે. તેમણે જણાવ્યું કે વર્ષ 2019માં ખેડૂતોની પાક વીમા યોજના બંધ કરવામાં આવી હતી. તેમના જણાવ્યા મુજબ, કપાસ અને મગફળીના પાક માટે ખેડૂતો પર અનુક્રમે હેક્ટર દીઠ 1.50 લાખ અને 1.37 લાખ રૂપિયાનું ધિરાણ નક્કી કરવામાં આવ્યું છે. ચાર જિલ્લાઓમાં સંપૂર્ણ પાક નિષ્ફળ ગયો હોવાનું સરકાર સ્વીકારતી હોય તો ખેડૂતોને માત્ર 8,500 રૂપિયાની સહાય આપવાને બદલે કેન્દ્ર સરકાર દ્વારા આપવામાં આવતા ધિરાણની સંપૂર્ણ માફી કરવી જોઈએ તેવી તેમણે માંગ કરી છે. લલિત વસોયાએ ખેડૂતોને યોગ્ય રાહત આપવા સરકાર સમક્ષ રજૂઆત કરી છે.
