VIDEO: ખેડૂત નેતા રાજુ કરપડાએ વતન સડલા ગામે કર્યું મતદાન, નાગરિકોને મતદાન કરવા અપીલ કરી

જિલ્લામાં સ્થાનિક સ્વરાજ્યની ચૂંટણી અંતર્ગત આજે શાંતિપૂર્ણ માહોલમાં મતદાન પ્રક્રિયા હાથ ધરવામાં આવી હતી. આ દરમિયાન ખેડૂત નેતા અને મૂળી જિલ્લા પંચાયતની બેઠક નંબર ૨ ના ઉમેદવાર રાજુ કરપડાએ પોતાના વતન સડલા ગામે પહોંચી મતાધિકારનો ઉપયોગ કર્યો હતો. રાજુ કરપડાએ મતદાન કર્યા બાદ સૌ નાગરિકોને લોકશાહીના આ પર્વમાં ઉત્સાહભેર ભાગ લેવા અપીલ કરી હતી. જોકે, સુરેન્દ્રનગર પંથકમાં સવારથી જ મતદાનની ગતિ ધીમી જોવા મળતા ઉમેદવારોમાં ચિંતાની લહેર પ્રસરી છે. વહીવટી તંત્ર દ્વારા ચુસ્ત બંદોબસ્ત વચ્ચે આ ચૂંટણી યોજાઈ રહી છે અને મતદારોની ઓછી હાજરીને પગલે હવે હાર-જીતના સમીકરણો પર સૌની નજર ટકેલી છે.