VIDEO: 'ટ્રમ્પ મારા પિતા છે', મુસ્લિમ યુવતીનો મોટો દાવો

• ટ્રમ્પ અગાઉ 2016માં પ્રથમ ચૂંટણી લડ્યા હતા અને જીત્યા હતા. 2020ની ચૂંટણીમાં તેમને જો બાઈડનથી હારનો સામનો કરવો પડ્યો હતો

અમેરિકાના રાષ્ટ્રપતિ ડોનાલ્ડ ટ્રમ્પની ચૂંટણીમાં જીત બાદ પાકિસ્તાન તરફથી એક રસપ્રદ અને વિચિત્ર દાવો સામે આવ્યો છે. પાકિસ્તાનની એક યુવતીએ એક વીડિયોમાં દાવો કર્યો છે કે તે ડોનાલ્ડ ટ્રમ્પની પુત્રી છે. સોશિયલ મીડિયા પર ઝડપથી વાયરલ થઈ રહેલા આ વીડિયોમાં યુવતીએ આગ્રહ કર્યો છે કે ટ્રમ્પ તેના પિતા છે અને કોઈએ તેના પર શંકા ન કરવી જોઈએ.

આ પણ વાંચો : ટ્રમ્પ સરકારમાં આ ગુજરાતી પટેલ બની શકે CIA ચીફ!

વીડિયોમાં યુવતીએ પોતાની જાતને મુસ્લિમ ગણાવી છે અને કહ્યું છે કે તે ડોનાલ્ડ ટ્રમ્પની "સગી પુત્રી" છે. તેણે પાકિસ્તાની મીડિયાની સામે આ વાત કહી છે, જોકે અત્યાર સુધી આ વીડિયોની સત્યતા કે યુવતીની માનસિક સ્થિતિ વિશે કોઈ માહિતી મળી નથી. યુવતીએ વીડિયોમાં એમ પણ કહ્યું કે જ્યારે બ્રિટિશ લોકો પાકિસ્તાન આવે છે અને તેને જુએ છે ત્યારે તેઓ આશ્ચર્યચકિત થઈ જાય છે.

તેણે કહ્યું કે ટ્રમ્પ હંમેશા તેની માતાને કહેતા હતા કે, 'તે તેની પુત્રીની સારી સંભાળ રાખી શકતી નથી. વીડિયોને X પર @pakistan_untold દ્વારા પોસ્ટ કરવામાં આવ્યો છે, જેના પર અત્યાર સુધીમાં 75 હજારથી વધુ વ્યૂઝ મળી ચૂક્યા છે.

ટ્રમ્પની અમેરિકન રાજકારણમાં વાપસી

અમેરિકી રાષ્ટ્રપતિની ચૂંટણીમાં કમલા હેરિસને હરાવીને ડોનાલ્ડ ટ્રમ્પ ફરી રાષ્ટ્રપતિ બન્યા છે. ટ્રમ્પ અગાઉ 2016માં પ્રથમ ચૂંટણી લડ્યા હતા અને જીત્યા હતા. 2020ની ચૂંટણીમાં તેમને જો બાઈડનથી હારનો સામનો કરવો પડ્યો હતો, પરંતુ આ વખતે તેઓ રિપબ્લિકન પાર્ટીના ઉમેદવાર બનીને ચૂંટણી જીત્યા હતા.

અમેરિકન ઇતિહાસમાં એક દુર્લભ સિદ્ધિ
ટ્રમ્પ હવે અમેરિકાના બીજા એવા રાષ્ટ્રપતિ બની ગયા છે જેમણે બે વખત રાષ્ટ્રપતિ પદ સંભાળ્યું છે. આ પહેલા ગ્રોવર ક્લીવલેન્ડ 1884 અને 1892માં આ રીતે બે વખત રાષ્ટ્રપતિ પદ સંભાળી ચૂક્યા છે. ટ્રમ્પની આ જીત અમેરિકન લોકો માટે ખાસ માનવામાં આવી રહી છે, કારણ કે તેમણે અમેરિકનો માટે સારા ભવિષ્યનું વચન આપ્યું છે.