હવે દક્ષિણ ચીન સાગરમાં ભારત અને ચીનના કોસ્ટ ગાર્ડ આમને-સામને, ભારતીય જહાજને ચીને ઘેર્યુ

એક તરફ ભારત અને ચીનની ઉત્તરીય સરહદ પર સ્થિતિ સંવેદનશીલ છે, તો બીજી તરફ દક્ષિણ ચીન સાગરમાં ભારત અને ચીનના કોસ્ટ ગાર્ડ ફોર્સ આમને-સામને આવી ગયા છે. જ્યારે ભારતીય કોસ્ટ ગાર્ડ જહાજ શૌનક જાપાનની શુભેચ્છા મુલાકાતથી પરત ફરી રહ્યું હતું, ત્યારે દક્ષિણ ચીન સાગરમાં વિવાદિત ટાપુ સ્કારબોરો શોલની પશ્ચિમેથી પસાર થઈ રહ્યું હતું ત્યારે તેને ચીનના કોસ્ટ ગાર્ડના જહાજોએ તેને ઘેરી લીધું હતું. જેના કારણે બે કોસ્ટ ગાર્ડ ફોર્સ વચ્ચે તણાવ વધી ગયો છે. ચાઈનીઝ કોસ્ટ ગાર્ડ સ્કારબોરો શોલ નજીકના દરિયાઈ વિસ્તારને વિવાદિત વિસ્તાર માને છે.

કોસ્ટ ગાર્ડ ફોર્સ વચ્ચે તણાવ વધી ગયો

સ્ટેનફોર્ડ યુનિવર્સિટી ખાતે ગોર્ડિયન નોટ સેન્ટર ફોર નેશનલ સિક્યુરિટી ઈનોવેશનની દરિયાઈ પારદર્શિતા પહેલ સીલાઈટના ડિરેક્ટર રે પોવેલે X પર એક પોસ્ટમાં લખ્યું છે. ચાઇના કોસ્ટ ગાર્ડની નજર 3304 પર છે. આ દરમિયાન ચીનના કોસ્ટ ગાર્ડના બે જહાજો CCG 3103 અને CCG 3502એ દરિયામાં ભારતીય જહાજને ઘેરી લીધું હતું. ફિલિપાઈન્સના દાવા છતાં ચીન દાવો કરે છે કે આ વિસ્તાર વિવાદિત છે.

આ પણ વાંચો: કેનેડાએ સ્ટુડન્ટ વિઝામાં મૂક્યા નિયંત્રણો/ હવે આ અભ્યાસ કરતાં વિદ્યાર્થીઓ પત્નીને નહીં બોલાવી શકે

ચીની કોસ્ટ ગાર્ડની આક્રમક રણનીતિના નિશાન પર દક્ષિણ-પૂર્વ એશિયાના દેશો

આ બધું આ વિસ્તારમાં ત્યારે થયું જ્યારે ચીનના કોસ્ટ ગાર્ડનું 'મોન્સ્ટર શિપ' ફિલિપાઈન્સના કોસ્ટ ગાર્ડના જહાજો સાથે અથડામણમાં વ્યસ્ત છે. દક્ષિણ-પૂર્વ એશિયાના દેશો લાંબા સમયથી ચીની કોસ્ટ ગાર્ડની આક્રમક રણનીતિના નિશાન પર છે અને છેલ્લા કેટલાક વર્ષોમાં ચીની કોસ્ટ ગાર્ડે ગ્રે ઝોનમાં કામ કરવાનું શરૂ કર્યું છે, જેનું કથિત રીતે ઉલ્લંઘન થઈ રહ્યું છે. 

ચીનના કારણે ઈન્ડો-પેસિફિક ક્ષેત્રમાં સુરક્ષા માટે મોટો પડકાર

ચીનની ટીમમાં 1275થી વધુ બોટ તૈનાત છે. ચીનના આ દબદબાથી ઈન્ડો-પેસિફિક ક્ષેત્રમાં સુરક્ષા માટે મોટો પડકાર ઊભો થયો છે. ચીન તેની મજબૂત દેખરેખ અને સઘન તૈનાતી સાથે આ ક્ષેત્ર પર પ્રભુત્વ જમાવી રહ્યું છે, જેનો તેના પાડોશી દેશો વિરોધ કરી રહ્યા છે. જો પાણીમાં ચીનની તાકાત વિષે વાત કરીએ તો ચીની કોસ્ટ ગાર્ડ પાસે 500 ટનથી વધુ વજનના 225 જહાજો છે જે ઓફશોર ઓપરેશન કરવામાં સક્ષમ છે. વધુમાં, ચીન પાસે વિશ્વના બે સૌથી મોટા કોસ્ટ ગાર્ડ જહાજો છે, દરેકનું વજન 10,000 ટન છે.