અમેરિકાને ઈરાનનો વળતો જવાબ, ચીન સાથે કરી ઐતિહાસિક સમજૂતી

અમેરિકા અને ઈરાન વચ્ચે ઘણા સમયથી ભારે વિવાદ ચાલી રહ્યો છે. પરમાણુ કાર્યક્રમથી ગુસ્સે થયેલા અમેરિકાના પ્રમુખ ડોનાલ્ડ ટ્રમ્પે ઈરાનને સૈન્ય કાર્યવાહી કરવાની ધમકી આપ્યા બાદ, અમરાડામાં યુદ્ધ જહાજ સાથે વિશાળ સેના તહેનાત કરી દીધી છે, તો બીજીતરફ ઈરાને પણ વળતો જવાબ આપવાની તૈયારી કરી લીધી છે. આ તમામ ઘટનાક્રમ વચ્ચે ઈરાને ચીન સાથે ઐતિહાસિક ‘અત્યાધુનિક સમજૂતી’ કરી છે. 

આ પણ વાંચો :

પાકિસ્તાનમાં ઈમરાન ખાનને અડધી રાત્રે હોસ્પિટલમાં લઈ જવાતા મચી બબાલ

પાકિસ્તાને અફઘાનિસ્તાન પર કર્યો હુમલો: સરહદ પર ગૂંજી તોપો, પાંચ જગ્યાઓએ ભારે ગોળીબાર

ઈરાન ચીન પાસેથી ખતરનાક મિસાઈલ ખરીદશે

મીડિયા રિપોર્ટ મુજબ, ઈરાન ચીન સાથે એક મોટો સંરક્ષણ સોદો કરવાની નજીક પહોંચી ગયું છે. ઈરાને ચીન પાસેથી અત્યાધુનિક CM-302 સુપરસોનિક એન્ટી-શિપ ક્રૂઝ મિસાઈલ ખરીદવાની તૈયારીઓ શરૂ દીધી છે. ચીન દ્વારા બનાવાયેલી CM-302 મિસાઈલ ખરીદવાની સમજૂતી લગભગ પૂર્ણ થવા આવી છે, જોકે હજુ ડિલિવરીની તારીખ નક્કી થઈ નથી.

CM-302 મિસાઈલની ખાસિયત

ચીન દ્વારા બનાવાયેલી CM-302 મિસાઈલની ખાસીતયની વાત કરીએ તો, આ મિસાઈલમાં 290 કિલોમીટર દૂર સુધીની મારક ક્ષમતા ધરાવે છે. તેનામાં ઓછી ઊંચાઈ પર ઝડપી ગતિએ ઉડવાની ખુબી છે. આ ઉપરાંત જહાજોની સંરક્ષણ સિસ્ટમને ચકમવો આપી શકે તે રીતે ડિઝાઈન કરાઈ છે. નિષ્ણાતોનું કહેવું છે, જો ઈરાન આ મિસાઈલ તહેનાત કરશે તો તેની ક્ષમતામાં મોટો વધારો થવાનો છે. આનાથી અમેરિકન સેના સામે ખતરો વધી શકે છે.

આ મિસાઈલ ગેમચેન્જર સાબિત થઈ શકે

ઈરાન-ચીન વચ્ચે મિસાઈલ ડીલ કરવા માટે બે વર્ષથી વાતચીત ચાલી રહી હતી, જોકે જૂનમાં ઈઝરાયલ-ઈરાન વચ્ચે 12 દિવસનું યુદ્ધ થયા બાદ ડીલની વાતચીત સફળ થઈ હોવાનું સામે આવ્યું છે. ઈઝરાયલના રાષ્ટ્રીય સુરક્ષા સંસ્થાનના વરિષ્ઠ સંશોધનકર્તા અને પૂર્વ ગુપ્તચર અધિકારી ડૈની સિટ્રિનોવિચે કહ્યું કે, જો ઈરાન પાસે જહાજો પર હુમલો કરવાની ક્ષમતા ધરાવતી સુપરસોનિક ક્ષમતા આવી જશે તો તે ગેમચેન્જર સાબિત થશે. આ મિસાઈલોને રોકવી ઘણી મુશ્કેલ છે.