મજબૂરી છે સાહેબ...! આ દેશમાં ભાડા પર પતિ લઈ રહી છે છોકરીઓ, ચૂકવે છે આટલી મોટી ફી!

તાજેતરના વર્ષોમાં વિશ્વભરના ઘણા દેશો માટે લિંગ અસમાનતા એક વધતો પડકાર બની ગઈ છે. આ પડકારનો સામનો કરી રહેલા દેશોમાં યુરોપિયન રાષ્ટ્ર લાતવિયાનો પણ સમાવેશ થાય છે. આ સુંદર દેશમાં પુરૂષોની વસ્તી ઝડપથી ઘટી રહી છે, જેના કારણે રોજિંદા જીવન પર અસર પડી રહી છે. છોકરીઓ પણ પતિ ભાડા પર લેવા મજબૂર બની છે. લાતવિયન છોકરીઓ કલાકના હિસાબે ભાડા પર પુરૂષને ઘરે લાવીને જરૂરી કામ કરાવે છે.

એક અહેવાલ મુજબ, લાતવિયામાં પુરૂષોની અછતને કારણે સ્ત્રીઓ કલાકો માટે પતિને ભાડા પર રાખી રહી છે. આ સેવા મુખ્યત્વે ઘરના નાના-મોટા કામમાં મદદ માટે છે. ઘરના કામકાજ સંભાળવા માટે પુરૂષ સાથીઓની અછતથી પરેશાન લાતવિયન સ્ત્રીઓ હેન્ડીમેન ભાડા સેવાઓનો આશરો લઈ રહી છે.

વેબસાઈટ કરી રહી છે મદદ

અહેવાલ સૂચવે છે કે Komand24 જેવી વેબસાઈટ ગોલ્ડન હેન્ડ પુરૂષ સેવાઓ પ્રદાન કરે છે. આ પુરૂષો પ્લમ્બિંગ, સુથારીકામ, સમારકામ અને ટીવી ઈન્સ્ટોલેશન જેવા કાર્યો કરે છે. RemontDarby પણ મહિલાઓને ઓનલાઈન અથવા ફોન પર 'પતિ' બુક કરવાની સુવિધા આપે છે. આ કારીગરો પેઈન્ટિંગ, પડદા ઠીક કરવા અને જાળવણી કાર્યો માટે તરત પહોંચે છે. આ માટે મહિલાઓ મોટી ફી ચૂકવે છે.

લાતવિયન સ્ત્રીઓ રોજિંદા જીવનમાં પુરૂષોની અછત અનુભવે છે. ડેનિયા નામની એક મહિલા ફેસ્ટિવલ્સમાં કામ કરે છે. તે કહે છે કે તેના લગભગ બધા સહકાર્યકરો મહિલાઓ છે. ડેનિયાની મિત્ર જેન જણાવે છે કે દેશમાં પુરૂષોની અછતને કારણે ઘણી સ્ત્રીઓ જીવનસાથી શોધવા માટે વિદેશ જઈ રહી છે.

લાતવિયામાં મહિલાઓ અને પુરૂષો

યુરોસ્ટેટના ડેટા અનુસાર લાતવિયામાં પુરૂષો કરતાં 15 ટકા વધુ સ્ત્રીઓ છે. આ તફાવત યુરોપિયન સંઘના સરેરાશ અંતર કરતા ત્રણ ગણો વધુ છે. નિષ્ણાતો માને છે કે લાતવિયામાં લિંગ અસંતુલનનું એક મુખ્ય કારણ પુરૂષોનું ટૂંકું આયુષ્ય છે. ત્યાં પુરૂષો ઓછું જીવે છે.

પતિઓને ભાડે રાખવાની પ્રથા ફક્ત લાતવિયા સુધી મર્યાદિત નથી. યુકેમાં લૌરા યંગે 2022માં રેન્ટ માય હેન્ડી હસબન્ડ નામના તેના વ્યવસાય હેઠળ તેના પતિ જેમ્સને નાની નોકરીઓ માટે ભાડે આપવાનું શરૂ કર્યું હતું. જેમ્સ ઘરકામ માટે કલાકદીઠ ચાર્જ લે છે.