ઇઝરાયેલ-લેબનોન બોર્ડર પર ડઝનેક મિસાઇલોનો ખડકલો, યુદ્ધનો વધુ એકે મોરચો ખુલી શકે છે, બાઈડનની ચેતવણી!

અમેરિકન ઈન્ટેલિજન્સ અનુસાર ઈરાન ટૂંક સમયમાં ઈઝરાયેલ પર મોટા હુમલાની તૈયારી કરી રહ્યું છે. આ માટે તે ડ્રોન અને ક્રુઝ મિસાઈલ સહિતની સૈન્ય સંપત્તિને સરહદ પર લઈ જઈ રહી છે. તેના પરથી અંદાજ લગાવવામાં આવી રહ્યો છે કે તે હુમલાની તૈયારી કરી રહ્યું છે.

ઈરાન આગામી 48 કલાકમાં ઈઝરાયેલ પર મોટો હુમલો કરી શકે છે. ઈઝરાયેલ તેના જૂના દુશ્મન ઈરાન સાથે એવા સમયે અથડામણ કરી રહ્યું છે જ્યારે તે ગાઝામાં હમાસ સાથે યુદ્ધ લડી રહ્યું છે. વોલ સ્ટ્રીટ જર્નલના એક અહેવાલ મુજબ ઈરાન હજુ પણ ઈઝરાયેલ પર સીધા હુમલાના રાજકીય જોખમોનું આકલન કરી રહ્યું છે. આ દરમિયાન અમેરિકી રાષ્ટ્રપતિ જો બિડેનની પ્રતિક્રિયા પણ સામે આવી છે. બાઈડને ઈરાનને કડક ચેતવણી આપી હતી કે તેણે ઈઝરાયેલ પર હુમલો ન કરવો જોઈએ. અમેરિકી રાષ્ટ્રપતિએ કહ્યું કે, ઈરાન ટૂંક સમયમાં હુમલો કરશે. તેમણે તહેરાનને આ મામલે આગળ ન વધવાની ચેતવણી પણ આપી હતી.

આ પણ વાંચો : બ્રિટનના સંરક્ષણ નિષ્ણાતનો દાવો : ઇરાનની ઇઝરાયેલ પર શકિતશાળી હુમલો કરવાની તૈયારીમાં

બાઈડને કહ્યું- હુમલો જલ્દી થઈ શકે છે

જ્યારે બાઈડને ઈરાનના ઈરાદાઓ વિશે પૂછવામાં આવ્યું તો તેમણે કહ્યું કે અમેરિકા ઈઝરાયેલની સુરક્ષા માટે પ્રતિબદ્ધ છે. બાઈડને કહ્યું કે તે માહિતી જાહેર કરશે નહીં, પરંતુ કહ્યું કે તેમને ભય છે કે હુમલો ટૂંક સમયમાં થઈ શકે છે.

ઇઝરાયેલ-લેબનોન બોર્ડર પર 40 મિસાઇલોનો ખડકલો

દરમિયાન, સર્વેલન્સ ફૂટેજમાં ચોંકાવનારી તસવીરો સામે આવી છે. ઇઝરાયેલ-લેબનોન સરહદ પર ડઝનેક મિસાઇલોને ઉભી કરી દેવામાં આવી છે. સર્વેલન્સ ફૂટેજમાં મોડી રાત્રે દ્રશ્ય કેપ્ચર કરવામાં આવ્યું હતું જ્યારે ઇઝરાયેલ-લેબનોન સરહદ ઉપરના આકાશમાં ડઝનેક મિસાઇલોને અટકાવવામાં આવી હતી. ઇઝરાયેલની સેનાએ એક નિવેદનમાં કહ્યું કે લેબનીઝ વિસ્તારમાંથી આવી રહેલી લગભગ 40 મિસાઇલોની ઓળખ કરવામાં આવી છે. નિવેદનમાં કહેવામાં આવ્યું છે કે મોટાભાગની મિસાઇલોને અટકાવવામાં આવી હતી, જ્યારે બાકીની ખુલ્લા વિસ્તારોમાં પડી હતી. કોઈને ઈજા થઈ હોવાના અહેવાલ નથી.

ઈઝરાયેલ જવાબી હુમલા માટે તૈયાર

સીરિયાની રાજધાની દમાસ્કસમાં ઈરાની દૂતાવાસમાં ગયા અઠવાડિયે એક વરિષ્ઠ અધિકારીની હત્યાનો બદલો લેવાની ચેતવણી મળ્યા બાદ ઈઝરાયેલે ઈરાન અથવા તેના પ્રોક્સીઓ દ્વારા હુમલાની તૈયારી કરી છે. ઈઝરાયેલે, જોકે, એપ્રિલ 1ના હવાઈ હુમલાની જવાબદારી સ્વીકારી ન હતી જેમાં ઈરાની રિવોલ્યુશનરી ગાર્ડ કોર્પ્સના વિદેશી કુદ્સ ફોર્સના વરિષ્ઠ કમાન્ડર બ્રિગેડિયર જનરલ મોહમ્મદ રેઝા ઝાહેદી અને અન્ય છ અધિકારીઓ માર્યા ગયા હતા.

ભારતે એડવાઈઝરી જારી કરી છે

દરમિયાન, ભારતીય વિદેશ મંત્રાલયે ઈરાન અને ઈઝરાયેલ માટે ટ્રાવેલ એડવાઈઝરી જારી કરી છે અને તમામ ભારતીયોને આગળની સૂચના સુધી ઈરાન કે ઈઝરાયેલની મુસાફરી ન કરવાની સલાહ આપી છે. મંત્રાલયે ઈરાન અને ઈઝરાયેલમાં હાજર ભારતીયોને ભારતીય દૂતાવાસ સાથે સંપર્કમાં રહેવા અને પોતાની નોંધણી કરાવવા વિનંતી કરી છે. ઈરાન આગામી 48 કલાકમાં ઈઝરાયેલ પર હુમલો કરી શકે છે તેવા અહેવાલો વચ્ચે આ એડવાઈઝરી જારી કરવામાં આવી છે. મંત્રાલયે એવા ભારતીયોને વિનંતી કરી છે જેઓ હાલમાં ઈરાન અથવા ઈઝરાયેલમાં રહે છે તેઓ ભારતીય દૂતાવાસનો સંપર્ક કરે અને પોતાનું રજીસ્ટ્રેશન કરાવે. વિદેશ મંત્રાલયે કહ્યું, ‘તેમને પણ વિનંતી કરવામાં આવે છે કે તેઓ તેમની સુરક્ષાને લઈને ખૂબ કાળજી રાખે અને તેમની પ્રવૃત્તિઓને ન્યૂનતમ સુધી મર્યાદિત કરે.’