મોટું કૌભાંડ: મહિલાએ અનેક બૌદ્ધ સાધુઓ સાથે કર્યું સેક્સ, પછી કર્યું એવું કે પગ નીચેથી ખસી જમીન

થાઈલેન્ડમાં એક મોટા સેક્સ કૌભાંડનો પર્દાફાશ થયો છે. અહીં એક મહિલાને અનેક સાધુઓ સાથે સેક્સ કરવા અને બાદમાં તેમને બ્લેકમેલ કરવા બદલ ધરપકડ કરવામાં આવી છે. પહેલા સેક્સ માટે લલચાવી ફસાવ્યા અને પછી બ્લેકમેલિંગની આ રમત દ્વારા લગભગ 385 મિલિયન બાથ પડાવી લેવામાં આવ્યા હોવાના અહેવાલ છે. આ રકમ ભારતીય ચલણમાં 100 કરોડ રૂપિયાથી વધુ છે. હાલમાં પોલીસ આ મામલાની તપાસ કરી રહી છે.

પીટીઆઈ અનુસાર, રોયલ થાઈ પોલીસ સેન્ટ્રલ ઈન્વેસ્ટિગેશન બ્યુરોએ જણાવ્યું હતું કે આ કૌભાંડમાં સામેલ ઓછામાં ઓછા નવ બૌદ્ધ સાધુઓ અને વરિષ્ઠ સાધુઓને સાધુ પદ પરથી દૂર કરવામાં આવ્યા છે. પોલીસે જણાવ્યું હતું કે ઉત્તર થાઈલેન્ડના એક બૌદ્ધ મંદિરના બેંક ખાતામાંથી એક વરિષ્ઠ સાધુ દ્વારા વિલાવન અમસાવતના ખાતામાં મોકલવામાં આવેલી રકમ પણ શોધી કાઢવામાં આવી છે.

વિલાવન અમસાવત કોણ છે

લગભગ ૩૫ વર્ષીય વિલાવન અમસાવતને રાજધાની બેંગકોકના ઉત્તરમાં આવેલા નોન્થાબુરી પ્રાંતમાં તેના ઘરેથી ખંડણી, મની લોન્ડરિંગ અને ચોરાયેલી વસ્તુઓ મેળવવાના આરોપસર ધરપકડ કરવામાં આવી હતી. ધરપકડ પહેલા, વિલાવનએ આવા સંબંધની કબૂલાત કરી હતી. વિલાવનએ તેની ધરપકડ પછી કોઈ નિવેદન આપ્યું નથી અને તે સ્પષ્ટ નથી કે તેનું પ્રતિનિધિત્વ કરવા માટે તેની પાસે કોઈ વકીલ છે કે નહીં.

તેણે કેવી રીતે સાધુઓને ટાર્ગેટ બનાવ્યા 

રિપોર્ટ મુજબ, પોલીસે જણાવ્યું હતું કે વિલાવન ઇરાદાપૂર્વક નાણાકીય લાભ માટે વરિષ્ઠ સાધુઓને નિશાન બનાવતી હતી. પોલીસે શોધી કાઢ્યું કે પ્રેમ સંબંધ શરૂ કર્યા પછી, ઘણા સાધુઓએ વિલાવનના ખાતામાં મોટી રકમ ટ્રાન્સફર કરી હતી. પોલીસે જણાવ્યું હતું કે છેલ્લા ત્રણ વર્ષમાં, વિલાવનના બેંક ખાતામાંથી 11.9 મિલિયન યુએસ ડોલર મળ્યા હતા, પરંતુ તેમાંથી મોટા ભાગના ઓનલાઇન જુગાર વેબસાઇટ્સ પર ખર્ચવામાં આવ્યા હતા.

સેન્ટ્રલ ઇન્વેસ્ટિગેશન બ્યુરોના ડેપ્યુટી કમિશનર જારૂંકિયાત પંકાવાએ જણાવ્યું હતું કે તપાસ ગયા મહિને શરૂ થઈ હતી જ્યારે બેંગકોકના એક પ્રખ્યાત બૌદ્ધ મંદિરના એક વરિષ્ઠ સાધુએ અચાનક પોતાના પદ પરથી રાજીનામું આપ્યું હતું.

તપાસકર્તાઓને જાણવા મળ્યું છે કે વિલાવનએ એક સાધુને કહ્યું હતું કે તે ગર્ભવતી છે અને મદદ માટે 7.2 મિલિયન બાથ માંગ્યા હતા. તેમણે કહ્યું કે પોલીસ માને છે કે, 'આ મહિલા ખૂબ જ ખતરનાક છે અને આપણે શક્ય તેટલી વહેલી તકે તેની ધરપકડ કરવી પડશે.'

એવા અહેવાલો પણ છે કે વિલાવનના ફોન પર હજારો ફોટા અને વીડિયો મળી આવ્યા છે. તેમાં ઘણી બધી ગપસપો પણ છે, જે અનેક સાધુઓ સાથેના સંબંધો તરફ ઈશારો કરે છે.