ટીવી પર ટેલિકાસ્ટ નહીં થાય વિરાટ કોહલીની રણજી મેચ? જાણો DDCA એ શું કહ્યું
વિરાટ કોહલી રણજી ટ્રોફીમાં પાછા ફરવા માટે તૈયાર દેખાય છે. તે 12 વર્ષથી વધુ સમય પછી ટૂર્નામેન્ટમાં પાછો ફરશ
વિરાટ કોહલી રણજી ટ્રોફીમાં પાછા ફરવા માટે તૈયાર દેખાય છે. તે 12 વર્ષથી વધુ સમય પછી ટૂર્નામેન્ટમાં પાછો ફરશે. દિલ્હીની ટીમ 30 જાન્યુઆરીથી રેલ્વે સામે રમવાની છે, જેના માટે દિલ્હીની ટીમની જાહેરાત કરવામાં આવી છે. ટીમમાં વિરાટ કોહલીનું નામ પણ સામેલ છે. આવી સ્થિતિમાં, મેચમાં તેનું રમવું લગભગ નિશ્ચિત છે. હવે ફેન્સના મનમાં પ્રશ્ન એ ઉઠી રહ્યો છે કે તેઓ આ મેચ ક્યાં અને ક્યારે લાઈવ જોઈ શકશે? તો તમને જણાવી દઈએ કે આ મેચ ટીવી પર લાઈવ ટેલિકાસ્ટ થવાની શક્યતા ઓછી છે.
આ પણ વાંચો: Ranji Trophy / યુવા ખેલાડીની કેપ્ટનશિપમાં રમશે વિરાટ કોહલી, દિલ્હીએ જાહેર કરી પોતાની ટીમ
દિલ્હી અને રેલ્વે વચ્ચેની મેચની ટીવી પર લાઈવ ટેલિકાસ્ટ અથવા લાઈવ સ્ટ્રીમ થવાની શક્યતા ખૂબ જ ઓછી છે. મેચના લાઈવ ટેલિકાસ્ટ અંગે દિલ્હી અને જિલ્લા ક્રિકેટ એસોસિએશન (DDCA) એ કહ્યું કે તેમને આ અંગે કોઈ માહિતી નથી આપવામાં આવી. જોકે, એવું પણ કહેવામાં આવ્યું હતું કે BCCI છેલ્લી ઘડીએ કેટલીક વ્યવસ્થા કરી શકે છે.
DDCAના એક અધિકારીએ જણાવ્યું હતું કે, "કોહલી રમી રહ્યો હોવાથી BCCI છેલ્લી ઘડીએ કોઈ વ્યવસ્થા કરશે કે નહીં તે અમને ખબર નથી, પરંતુ અમને મેચના ટેલિકાસ્ટ વિશે કોઈ માહિતી નથી મળી. સામાન્ય રીતે દરેક મુખ્ય કેન્દ્રને એક લાઈવ ગેમ (ટેલિકાસ્ટ અથવા સ્ટ્રીમિંગ) આપવામાં આવે છે. અમારી તમિલનાડુ સામેની મેચને લાઈવ ટેલિકાસ્ટ કરવામાં આવી હતી. ટેલિકાસ્ટ માટેના રોસ્ટર મહિનાઓ અગાઉ નક્કી કરવામાં આવે છે."
તમને જણાવી દઈએ કે BCCI એ રણજી ટ્રોફીના ગ્રુપ ગેમ્સના છેલ્લા તબક્કા માટે ત્રણ બ્રોડકાસ્ટિંગ સ્લોટ પસંદ કર્યા છે. આ સ્લોટમાં કર્ણાટક વિ હરિયાણા, બંગાળ વિ પંજાબ તેમજ જમ્મુ-કાશ્મીર વિ બરોડાની મેચનો સમાવેશ થશે. હવે એ જોવું રસપ્રદ રહેશે કે વિરાટ કોહલીને ધ્યાનમાં રાખીને BCCI છેલ્લી ઘડીએ શું નિર્ણય લે છે.
