લખનૌમાં યોજાશે રોયલ વેડિંગ! આ દિવસે સાત ફેરા લેશે સિક્સર કિંગ રિંકુ સિંહ અને સાંસદ પ્રિયા સરોજ
છેલ્લું અપડેટ : 16 Sept 2026
સમાજવાદી પાર્ટીના સાંસદ પ્રિયા સરોજ અને ક્રિકેટર રિંકુ સિંહના લગ્નની તારીખ નક્કી થઈ ગઈ છે. બંને 4 ડિસેમ્બરે લખનૌની રમાડા હોટેલમાં લગ્નના બંધનમાં બંધાશે. લગ્નની તારીખ અને વેન્યુ નક્કી થયા બાદ બંનેના પરિવાર તૈયારીઓમાં લાગી ગયા છે.
લગ્ન સમારોહમાં પરિવારના સભ્યો સિવાય નજીકના સગા-સંબંધિઓ અને ખાસ મહેમાનો સામેલ થઈ શકે છે. રિંકુ સિંહ ભારતીય ક્રિકેટ ટીમના ચર્ચિત ખેલાડીઓમાં સામેલ છે, જ્યારે પ્રિયા સરોજ ઉત્તર પ્રદેશની મછલીશહર લોકસભા સીટ પરથી સમાજવાદી પાર્ટીના સાંસદ છે.
8 જૂન 2025ના રોજ થઈ હતી રિંગ સેરેમની
રિંકુ સિંહ અને પ્રિયા સરોજની સગાઈ આશરે 15 મહિના પહેલાં થઈ હતી. 8 જૂન 2025ના રોજ લખનૌની 'ધ સેન્ટ્રમ' હોટેલમાં બંનેની રિંગ સેરેમની યોજાઈ હતી. આ પ્રાઇવેટ સમારોહમાં પરિવારના સભ્યો અને નજીકના લોકોની જ હાજરી રહી હતી.
સગાઈ પછીથી જ બંનેના લગ્નને લઈને સતત ચર્ચા થતી રહી હતી. હવે 4 ડિસેમ્બરની તારીખ નક્કી થવાની સાથે જ આ સંબંધનો આગામી તબક્કો પણ નક્કી થઈ ગયો છે.
રિંકુ સિંહ ભારતીય ક્રિકેટમાં પોતાની વિસ્ફોટક બેટિંગ માટે જાણીતા છે. ખાસ કરીને T20 ક્રિકેટમાં તેમણે પોતાની અલગ ઓળખ બનાવી છે. તો બીજી તરફ, પ્રિયા સરોજ ૨૦૨૪ની લોકસભા ચૂંટણીમાં મછલીશહર સીટ પરથી જીત મેળવીને સાંસદ બન્યા હતા.
હવે બંને પરિવાર લગ્નની તૈયારીઓમાં લાગી ગયા છે. લખનૌમાં યોજાનારા આ લગ્નમાં ક્રિકેટ અને રાજકારણ સાથે જોડાયેલા કેટલાક ખાસ મહેમાનો પણ પહોંચે તેવી શક્યતા છે.
કોણ છે પ્રિયા સરોજ?
પ્રિયા સરોજ ઉત્તર પ્રદેશની મછલીશહર લોકસભા સીટના સાંસદ છે. 27 વર્ષની પ્રિયાએ 2024ની લોકસભા ચૂંટણીમાં જીત નોંધાવી હતી અને તે સમયે તેઓ દેશના સૌથી નાની વયના સાંસદોમાં સામેલ થયા હતા. તેમણે આશરે 25 વર્ષની ઉંમરે સાંસદ તરીકે પોતાની કારકિર્દી શરૂ કરી હતી.
પ્રિયા સરોજનો પરિવાર લાંબા સમયથી રાજકારણમાં છે. તેમના પિતા તૂફાની સરોજ ઉત્તર પ્રદેશની કેરાકત વિધાનસભા સીટ પરથી સમાજવાદી પાર્ટીના ધારાસભ્ય છે. તેઓ પોતે પણ લાંબા સમયથી રાજકારણમાં સક્રિય રહ્યા છે અને ત્રણ વખત સાંસદ રહી ચૂક્યા છે.
જૂન 2025માં થઈ હતી રિંકુ-પ્રિયાની સગાઈ
રિંકુ સિંહ અને પ્રિયા સરોજના સંબંધોની વાત સામે આવ્યા બાદ જૂન 2025માં બંનેએ લખનૌમાં એક પ્રાઇવેટ સમારોહમાં સગાઈ કરી હતી. સગાઈ પછી બંનેએ સોશિયલ મીડિયા પર આ ખાસ ક્ષણની તસવીરો અને પોતાની લાગણીઓ શેર કરી હતી.
બંનેએ જણાવ્યું હતું કે તેઓ આ મોમેન્ટ (Moment) ની આશરે ૩ વર્ષથી રાહ જોઈ રહ્યા હતા. ત્યારબાદથી જ રિંકુ અને પ્રિયાના લગ્નને લઈને સતત ચર્ચા થતી રહી છે. બીજી તરફ રિંકુ સિંહની વાત કરીએ તો તેઓ ટીમ ઈન્ડિયા માટે ઝિમ્બાબ્વે પ્રવાસ માટે પસંદગી પામ્યા હતા, પરંતુ અફઘાનિસ્તાન સામે ચાલી રહેલી T20 સિરીઝ માટે ટીમમાં તેમનો સમાવેશ કરવામાં આવ્યો નથી.
