IND vs AUS / બોર્ડર-ગાવસ્કર ટ્રોફી માટે ચેતેશ્વર પૂજારાને મળી ખાસ જવાબદારી, હવે નવી ભૂમિકામાં જોવા મળશે

બોર્ડર-ગાવસ્કર ટ્રોફી માટે ટીમ ઈન્ડિયા ઓસ્ટ્રેલિયા પહોંચી ગઈ છે, જ્યાં ભારત અને ઓસ્ટ્રેલિયા વચ્ચે 5 ટેસ્ટ મેચની સિરીઝ રમાશે. આ સિરીઝમાં ટીમ ઈન્ડિયાનો પાવરફુલ બેટ્સમેન ચેતેશ્વર પૂજારા એક નવી ભૂમિકામાં જોવા મળી શકે છે. ભારત અને ઓસ્ટ્રેલિયા વચ્ચે ટેસ્ટ સિરીઝની પ્રથમ મેચ પર્થમાં રમાશે. આ મેચ 22 નવેમ્બરથી રમાશે. પૂજારા આ મેચ દરમિયાન કોમેન્ટ્રી બોક્સમાં જોવા મળી શકે છે. આ અંગે સત્તાવાર માહિતી બહાર નથી આવી. પૂજારાએ ટીમ ઈન્ડિયા માટે 103 ટેસ્ટ મેચ રમી છે.

આ પણ વાંચો: IND vs AUS / ટીમ ઈન્ડિયા માટે સારા સમાચાર, પર્થ ટેસ્ટ પહેલા ફિટ થઈ ગયો સ્ટાર બેટ્સમેન

પૂજારાએ ભારત માટે તેની છેલ્લી ટેસ્ટ મેચ ઓસ્ટ્રેલિયા સામે જ રમી હતી. તે જૂન 2023 પછી ટીમ ઈન્ડિયામાં કમબેક નથી કરી શક્યો. પૂજારા હવે નવી જવાબદારી સાથે જોવા મળી શકે છે. મીડિયા રિપોર્ટ્સ અનુસાર, પૂજારા સ્ટાર સ્પોર્ટ્સ માટે હિન્દી કોમેન્ટ્રી કરી શકે છે. જોકે, આ અંગે હજુ સુધી કોઈ સત્તાવાર પ્રતિક્રિયા આવી નથી. પૂજારા ભારતનો અનુભવી બેટ્સમેન રહ્યો છે. ટેસ્ટમાં તેનો રેકોર્ડ પણ શાનદાર છે.

શું ટીમ ઈન્ડિયા રોહિત વિના મેદાનમાં ઉતરશે?

ટીમ ઈન્ડિયા પર્થ ટેસ્ટમાં રોહિત શર્મા વગર મેદાનમાં ઉતરી શકે છે. રોહિત પર્થ ટેસ્ટ મિસ કરી શકે છે. થોડા દિવસ પહેલા તેની પત્નીએ પુત્રને જન્મ આપ્યો છે. તેથી, રોહિત પરિવાર સાથે સમય પસાર કરવા માંગે છે. તે એડિલેડ ટેસ્ટમાં મેદાન પર પરત ફરી શકે છે. રોહિતની ગેરહાજરીમાં જસપ્રીત બુમરાહ ટીમ ઈન્ડિયાની કેપ્ટનશીપ કરી શકે છે.

પૂજારાની અત્યાર સુધીની ટેસ્ટ કરિયર આવી રહી છે

પૂજારાએ 2010માં ટીમ ઈન્ડિયા માટે ડેબ્યુ મેચ રમી હતી. તેણે તેની છેલ્લી મેચ 2023માં રમી હતી. પૂજારાએ ટીમ ઈન્ડિયા માટે અત્યાર સુધી 103 મેચ રમી છે. આ દરમિયાન તેણે 7195 રન બનાવ્યા છે. તેણે ભારત માટે બેવડી સદી પણ ફટકારી છે. પૂજારાએ ટેસ્ટમાં 19 સદી અને 35 અડધી સદી ફટકારી છે. તેનો બેસ્ટ સ્કોર 206 રન રહ્યો છે. હવે પૂજારા બેટિંગ બાદ કોમેન્ટ્રી કરતો પણ જોવા મળી શકે છે.