કુમાર સંગાકારા અને તેમના પરિવાર સાથે એરપોર્ટ પર કરવમાં આવ્યો દુર્વ્યવહાર, RRના હેડ કોચે ગુસ્સો વ્યક્ત કર્યો

શ્રીલંકાના ભૂતપૂર્વ કેપ્ટન અને રાજસ્થાન રોયલ્સ (RR) ના વર્તમાન હેડ કોચ કુમાર સંગાકારા અને તેના પરિવાર સાથે આયર્લેન્ડમાં રાયનએરના સ્ટાફ દ્વારા દુર્વ્યવહાર કરવામાં આવ્યો હતો. સંગાકારાએ સ્ટાફ પર ભેદભાવનો આરોપ લગાવ્યો હતો.

સંગાકારાએ કહ્યું કે આ વર્તન સંપૂર્ણપણે અસ્વીકાર્ય હતું અને આ આયર્લેન્ડની રાજધાની ડબલિનમાં તેનો પહેલો ખરાબ અનુભવ હતો. સંગાકારાએ એક્સ પર પોસ્ટ કરીને પોતાનો ગુસ્સો વ્યક્ત કર્યો.

સંગાકારાએ સ્ટાફ પર પોતાનો ગુસ્સો વ્યક્ત કર્યો

સંગાકારા તેના શાંત સ્વભાવ માટે જાણીતો છે. જોકે, ડબલિનમાં તેની સાથે જે રીતે વર્તન કરવામાં આવ્યું તેનાથી તે ગુસ્સે થઈ ગયો. તેણે એક્સ પર એક પોસ્ટમાં રાયનએર પર પોતાનો ગુસ્સો ઠાલવ્યો.

સંગાકારાએ લખ્યું, "શું ડબલિનમાં કોઈને રાયનએરના સ્ટાફ દ્વારા ભેદભાવનો અનુભવ થયો છે? મેં હમણાં જ મારા પરિવાર સાથે તેનો અનુભવ કર્યો છે અને તે આઘાતજનક છે. બોલવાની રીત, વસ્તુઓને કેવી રીતે હેન્ડલ કરવામાં આવી હતી અને ધમકીભર્યું વલણ કોઈપણ પ્રવાસી માટે અસ્વીકાર્ય હતું. ડબલિનમાં મારો પહેલો ખરાબ અનુભવ."

ગયા વર્ષે ફરીથી RR નો હેડ કોચ બન્યો હતો

ગયા વર્ષે સંગાકારાને ફરીથી રાજસ્થાન રોયલ્સનો હેડ કોચ બનાવવામાં આવ્યો હતો. અગાઉ, તેણે 2021થી 2024 સુધી હેડ કોચ તરીકે સેવા આપી હતી. જોકે, 2025માં રાહુલ દ્રવિડે આ ભૂમિકા સંભાળી હતી.

રાજસ્થાને સંગાકારાને ક્રિકેટ ડિરેક્ટર તરીકે નિયુક્ત કર્યો હતો. જોકે, IPL 2025માં રાજસ્થાનના ખરાબ પ્રદર્શન બાદ સંગાકારાને આ વર્ષે ફરીથી હેડ કોચ તરીકે નિયુક્ત કરવામાં આવ્યો હતો.

સંગાકારાના નેતૃત્વ હેઠળ, રાજસ્થાન IPL 2026માં ચોથા સ્થાને રહ્યું. અગાઉ, તેણે 2022માં IPL ફાઈનલમાં પહોંચવાના રાજસ્થાનના 17 વર્ષના દુકાળનો અંત લાવ્યો હતો. જોકે, ફાઈનલમાં રાજસ્થાન ગુજરાત ટાઉટન્સ સામે હારી ગયું હતું.