ICC ટેસ્ટ રેન્કિંગમાં જાડેજાને મોટો ઝટકો, 4 વર્ષ બાદ ઓલરાઉન્ડરની યાદીમાં બીજા સ્થાને, દક્ષિણ આફ્રિકાનો આ ખેલાડી બન્યો નંબર-1
આઈસીસી દ્વારા જાહેર કરવામાં આવેલી તાજેતરની ટેસ્ટ રેન્કિંગમાં ભારતીય ટીમના સ્ટાર ઓલરાઉન્ડર રવીન્દ્ર જાડેજાને મોટો ઝટકો લાગ્યો છે. 37 વર્ષનો જાડેજા છેલ્લા 4 વર્ષથી વિશ્વનો નંબર-1 ટેસ્ટ ઓલરાઉન્ડર બનેલો હતો, પરંતુ હવે તેની પાસેથી આ તાજ છીનવાઈ ગયો છે. હાલ તે 422 રેટિંગ પોઇન્ટ્સ સાથે બીજા સ્થાને આવી ગયો છે, જ્યારે સાઉથ આફ્રિકાનો માર્કો યાનસેન 451 રેટિંગ સાથે વિશ્વનો નવો નંબર-1 ટેસ્ટ ઓલરાઉન્ડર બની ગયો છે.
માર્કો યાનસેનને ઓસ્ટ્રેલિયા સામેના પ્રદર્શનનું ઈનામ મળ્યું
સાઉથ આફ્રિકાના ઓલરાઉન્ડર માર્કો યાનસેનને ઓસ્ટ્રેલિયા સામેની ટેસ્ટ સીરિઝમાં કરેલા ધમાકેદાર પ્રદર્શનનો જબરદસ્ત ફાયદો મળ્યો છે. યાનસેન હવે 451 રેટિંગ મેળવીને ઓલરાઉન્ડરોની યાદીમાં વિશ્વનો નંબર-1 ખેલાડી બની ગયો છે. આ સાથે તેણે પોતાના ટેસ્ટ કરિયરમાં પહેલી વખત આ સિદ્ધિ પ્રાપ્ત કરી છે.
બોલિંગ રેન્કિંગમાં પણ યાનસેન બન્યો નંબર-1
માર્કો યાનસેન માત્ર ઓલરાઉન્ડર્સમાં જ નહીં, પરંતુ ટેસ્ટ બોલિંગ રેન્કિંગમાં પણ નંબર-1 બની ગયો છે. તેણે પોતાના ટેસ્ટ કરિયરમાં પહેલી વખત બોલિંગ અને ઓલરાઉન્ડર બંને કેટેગરીમાં એકસાથે ટોચનું સ્થાન મેળવવાની સિદ્ધિ હાંસલ કરી છે.
