ક્રિકેટરના ઘર પર થયો એક નહી બે-બે વખત હુમલો, કારના કાચ તૂટ્યા, CCTV ફૂટેજ આવ્યા સામે

ઈંગ્લેન્ડના ક્રિકેટર અને હેમ્પશાયરના કેપ્ટન જેમ્સ વિન્સે પોતાના ઘર પર સતત થઈ રહેલા હુમલાને લઈને મોટો ખુલાસો કર્યો છે. આ કારણે તેના પરિવારને તેમના વતન સાઉથમ્પ્ટન છોડવાની ફરજ પડી છે. વિન્સ અને તેનો પરિવાર લગભગ આઠ વર્ષથી સાઉથમ્પ્ટનના એક ગામમાં રહેતા હતા. બે વખત થયેલા હમલા બાદ તેને અહીંથી જતા રહેવાની ફરજ પડી છે. તેના ઘર અને વાહનોને નિશાન બનાવવામાં આવ્યા છે.

પહેલો હુમલો 15 એપ્રિલે થયો

વિન્સના જણાવ્યા અનુસાર, પહેલો હુમલો 15 એપ્રિલે થયો હતો. તેણે કહ્યું, “હું અને મારી પત્ની અચાનક જ મોટા અવાજ અને એલાર્મ વાગવાથી જાગી ગયા. અમને ખબર ન હતી કે શું થઈ રહ્યું છે. સ્વાભાવિક રીતે આ ખૂબ જ ખલેલ પહોંચાડનારું હતું, તેથી અમે બાળકોને તેમની સલામતી સુનિશ્ચિત કરવા માટે ત્યાંથી સીધા જ લઈ ગયા. તેઓ ખૂબ જ ડરી ગયા હતા." પોલીસ આવી ત્યાં સુધીમાં, હુમલાખોરો જતા રહ્યા હતા અને વિનાશનું દ્રશ્ય છોડી દીધું હતું.

વિન્સે પોલીસને ફૂટેજ આપ્યા

એક પાડોશીએ કહ્યું કે, તેણે હુમલાખોરોની એક કાર ઘટનાસ્થળેથી જતી જોઈ. કાર અને ઘરને વ્યાપક નુકસાન થયું હતું, જ્યારે સમારકામ કરવામાં આવ્યું ત્યારે પરિવારને અસ્થાયી રૂપે સ્થળાંતર કરવાની ફરજ પડી હતી. સુરક્ષા કેમેરા અને એલાર્મ લગાવવામાં આવ્યા હતા, પરંતુ તેઓ કામ કરતા ન હતા. વિન્સે આપેલા આ ફૂટેજમાં તેના ઘર પર કોઈ ઉશ્કેરણી વગરનો હુમલો દેખાય છે.

હુમલાખોરોએ ઇંટોનો ઉપયોગ કર્યો

વિન્સની મિલકત બે અલગ-અલગ પ્રસંગોએ (એપ્રિલ 15 અને મે 11) તોડી નાખવામાં આવી હતી, જેના કારણે તેના પરિવારને બહાર જવાની ફરજ પડી હતી. ઘરે પાછા ફર્યાના એક અઠવાડિયાની અંદર, જ્યારે બીજો હુમલો થયો ત્યારે વિન્સના સૌથી ખરાબ ભયની પુષ્ટિ થઈ. આ વખતે પણ તે ઉપરના માળે સૂતો હતો. હુમલાખોરોએ ઇંટોનો ઉપયોગ કર્યો, ફરી એકવાર કાર અને ઘરની બારીઓ તોડી નાખી. વિન્સે જણાવ્યું કે, હુમલો રાત્રે 12 વાગ્યાની આસપાસ થયો, જ્યારે તેનો પરિવાર તેના સાથી ક્રિકેટર ક્રિસ વૂડના ઘરેથી ડિનર કરીને પાછો ફર્યો.

પોલીસ અને ગુપ્તચર એજન્સી નિષ્ફળ ગઈ

આ ઘટનાઓએ વિન્સ અને અધિકારીઓને ખૂબ પરેશાન કર્યા છે. પોલીસ, ખાનગી સુરક્ષા કર્મચારીઓ અને ગુપ્તચર એજન્સીઓ દ્વારા વ્યાપક તપાસ છતાં કોઈ સ્પષ્ટ હેતુ બહાર આવ્યો નથી. વિન્સ હજુ પણ માને છે કે, હુમલાઓ ખોટી ઓળખનો કેસ હતો. નવા સીસીટીવી કેમેરામાંથી મળેલા ફૂટેજમાં કેટલીક કડીઓ મળી છે. તે બતાવે છે કે, એક વ્યક્તિ દિવાલ પરથી બીજા માણસને ઇંટો પસાર કરે છે, જે તેને ઘરો અને કાર પર ફેંકી દે છે. બીજા માણસે જિમ કિંગના લોગોવાળી હૂડી પહેરી હતી અને તેનો ચહેરો ઢંકાયેલો હતો.