અમદાવાદ : ગુજરાત સમાચાર ટ્રસ્ટ અને કલાસ્મૃતિ આયોજિત37મી એકાંકી નાટ્યસ્પર્ધાના ફાઈનલ રાઉન્ડનું પદ્મશ્રી તુષાર શુક્લના હસ્તે ઉદ્ઘાટન

ગુજરાત સમાચાર ટ્રસ્ટ અને કલાસ્મૃતિ દ્વારા આયોજિત  37મી એકાંકી નાટ્યસ્પર્ધાના ફાઈનલ રાઉન્ડનું આજે 7 ફેબ્રુઆરીએ બોડકદેવ સ્થિત પંડિત દીનદલાય ઓડિટોરિયમ ખાતે પદ્મશ્રી તુષાર શુક્લ તેમજ અન્ય ગણમાન્ય મહાનુભાવોના હસ્તે ઉદ્ઘાટન કરવામાં આવ્યું છે.  7-8-9 ફેબ્રુઆરી ત્રણ દિવસ ચાલનારા આ ફાઈનલ રાઉન્ડમાં કોલેજ કેટેગરીના 6 અને નોનકોલેજ કેટેગરીના 3 એમ કુલ 9 એકાંકી નાટકો ભજવાશે. 9 ફેબ્રુઆરીના રોજ જાણીતા ગુજરાતી અભિનેત્રી વંદના પાઠકના હસ્તે વિજેતા નાટકટીમને ઈનામ વિતરણ કરવામાં આવશે. 

37મી એકાંકી નાટ્યસ્પર્ધાના ત્રણ દિવસ ચાલનારા ફાઈનલ રાઉન્ડનું શેડ્યુઅલ આ મુજબ છે : 

07/02/2025 - પ્રથમ દિવસ - કોલેજ કેટેગરી 

• 8 કલાકે - નિવારણ : GLS યુનિવર્સિટી - FOC 
• 9 કલાકે -  ધ અધર્સ ડે : સેન્ટ ઝેવિયર્સ કોલેજ
• 10 કલાકે -  મૃત્યુ: એક અભિનેતાનું : ગુજરાત આર્ટસ અને સાયન્સ કોલેજ

08/02/2025 - બીજો દિવસ - કોલેજ કેટેગરી 

• 9 કલાકે - પનુ-દે-જેઠી: જે.ઝેડ. શાહ આર્ટસ એન્ડ એચ. પી. દેસાઈ કોમર્સ કોલેજ
• 10 કલાકે - માણસ : ફેકલ્ટી ઓફ કોમર્સ, GLS યુનિવર્સિટી
• 11 કલાકે - ભિખારીનો વેશ : જે.જી. કોલેજ ઓફ પર્ફોર્મિંગ આર્ટ્સ

09/02/2025 - ત્રીજો દિવસ - નોન કૉલેજ કેટેગરી 

• 7 કલાકે - ભૂધન : રંગમ થિયેટર
• 8 કલાકે - એક ટીપું સૂરજનું : આર્ય સાગર - કરણ પટેલ
• 9 કલાકે - સીમાંતે - પંકજ લીંબાચિયા

અતિથિ વિશેષ જાણીતા અભિનેત્રી વંદના પાઠકની ઉપસ્થિતિમાં પારિતોષિક વિતરણ સમારંભ રાતે 10:30 વાગ્યાથી.

નોંધ : આ તમામ નાટકો નક્કી કરેલા સમય અનુસાર GSTVની યુટ્યુબ ચેનલ https://www.youtube.com/@GSTVNEWS પર લાઈવ  નિહાળી શકશો.