પાણીપુરી ખાવા માટે મોં ખોલ્યું તો ખુલ્લું જ રહી ગયું, પરેશાન હાલતમાં હોસ્પિટલ પહોંચી મહિલા; ડોક્ટરે જણાવ્યું કારણ

ઉત્તર પ્રદેશના ઔરૈયા જિલ્લામાં એક વિચિત્ર ઘટના બની છે, જ્યાં પાણીપુરી ખાવી એક મહિલા માટે મોટી મુશ્કેલી સાબિત થઈ. પાણીપુરીના ચક્કરમાં ખોલેલું મોં ખુલ્લું જ રહી ગયું. દિબિયાપુરથી કામ માટે ઔરૈયા આવેલી મહિલાનું પાણીપુરી ખાતી વખતે અચાનક જડબું ઉઅત્રી ગયું અને તેનું મોં ખુલ્લું રહી ગયું. તેની હાલત જોઈને બધા ચોંકી ગયા. મહિલાને તાત્કાલિક હોસ્પિટલમાં લઈ જવામાં આવી જ્યાં ડોક્ટર્સે તેની સારવાર કરી. જોકે, બાદમાં તેને ઉચ્ચ કેન્દ્રમાં રિફર કરવામાં આવી.

આ કિસ્સો સ્થાનિકોમાં ચર્ચાનો વિષય બન્યો છે. અહેવાલ છે કે કાકોર નજીક ગૌરી કિશનપુરના રહેવાસી વીરેન્દ્રની પત્ની ઈંકકલા દેવી ગઈ રાતથી જ હોસ્પિટલમાં રોકાઈ હતી. તેની ભત્રીજા વહુને ડિલિવરી થવાની હતી, તેથી આખો પરિવાર હોસ્પિટલની નજીક જ રોકાઈ ગયો હતો. દરમિયાન બાળકોએ સવારે ભૂખ લાગવા પર પાણીપુરી ખાવાની જિદ્દ કરી.

પરિવાર સાથે આવેલી એક મહિલા સાવિત્રીએ જણાવ્યું કે, ઈંકકલા દેવી પાણીપુરી ખાવા બેઠી અને એક મોટી પુરી મોંમાં નાખવા માટે મોઢું ખોલતાં જ તેમનું જડબું ખુલ્લું જ અને બંધ ન થયું. આ અચાનક બનેલી ઘટનાથી હાજર લોકો ગભરાઈ ગયા.

સાવિત્રીએ કહ્યું, "દીદીએ પાણીપુરી ખાતી વખતે મોં ખોલ્યું, તો તે ખુલ્લું જ રહ્યું. અમને લાગ્યું કે કદાચ સામાન્ય દુખાવો હશે, પરંતુ જ્યારે મોં બંધ ન થયું, ત્યારે અમે તેમને તાત્કાલિક હોસ્પિટલમાં લઈ ગયા." ડોક્ટર્સની ટીમે મહિલાને તાત્કાલિક પ્રાથમિક સારવાર આપી અને તેના જડબાને સામાન્ય સ્થિતિમાં લાવવાનો પ્રયાસ કર્યો. જોકે, અનેક પ્રયાસો છતાં તેને કોઈ રાહત ન મળી. તેની સ્થિતિ ગંભીર ગણીને, ડોક્ટર્સે તેને વધુ સારી સારવાર માટે રેફર કરી.

પરિવાર આ અચાનક તબીબી સમસ્યાથી ગભરાઈ ગયો છે. ઈંકકલા દેવી હજુ પણ તેનું મોં યોગ્ય રીતે બંધ કરી નથી શકતી અને સતત દુખાવાની ફરિયાદ કરી રહી છે. ડોક્ટર્સનું માનવું છે કે આવી સ્થિતિમાં, ખૂબ ઝડપથી મોં ખોલવાથી અથવા એક સાથે મોટી ખાદ્ય ચીજો ખાવાથી જડબું તૂટી શકે છે. મહિલાને ઉચ્ચ કક્ષાની હોસ્પિટલમાં મોકલવામાં આવી છે જ્યાં તેની સારવાર ચાલી રહી છે. પાણીપુરીના સ્ટોલનો માલિક પણ આ ઘટનાથી ગભરાઈ ગયો છે, જ્યારે સ્થાનિક લોકો તેને અત્યાર સુધીની સૌથી અસામાન્ય ઘટના ગણાવી રહ્યા છે.