AAPની મહિલા સન્માન યોજના મામલે મહિલાએ નોંધાવી પોલીસ ફરિયાદ

નવી દિલ્હી: AAP દ્વારા આગામી વિધાનસભા ચૂંટણી પછી જો પાર્ટી સત્તામાં પરત આવે તો મહિલાઓને માસિક રૂ. 2100 ચૂકવવાની જાહેરાત અંગે દક્ષિણ દિલ્હીમાં એક મહિલાએ પોલીસ ફરિયાદ નોંધાવી છે.

પોલીસે જણાવ્યું કે તેઓ મહિલા દ્વારા મહિલા સન્માન યોજનાના નામે છેતરપિંડીનો આરોપ લગાવીને મંગળવારે નોંધાવેલી ફરિયાદની તપાસ કરી રહ્યા છે.

દક્ષિણ દિલ્હીના બીજેપી સાંસદ રામવીર સિંહ બિધુરીએ આરોપ લગાવ્યો કે AAP સુપ્રીમો અરવિંદ કેજરીવાલ માત્ર મુખ્યમંત્રી મહિલા સન્માન યોજના અને સંજીવની યોજનાના નામે જનતા સાથે "છેતરપિંડી" કરી રહ્યા છે અને તેમની સામે કાર્યવાહી થવી જોઈએ.