VIDEO/ જસ્ટિસ વર્માથી જસ્ટિસ સૌમિત્ર સેન સુધી, જાણો અત્યાર સુધીમાં કેટલા જજ ભ્રષ્ટાચારના આરોપમાં આપી ચૂક્યા છે રાજીનામું

ભારતીય ન્યાયતંત્રમાં અત્યારે ખળભળાટ મચી ગયો છે. અલ્હાબાદ હાઈકોર્ટના જસ્ટિસ યશવંત વર્માએ રાષ્ટ્રપતિને પોતાનું રાજીનામું સોંપી દીધું છે. દિલ્હી સ્થિત તેમના સરકારી નિવાસસ્થાને લાગેલી આગ અને ત્યારબાદ મળેલા કરોડોના રોકડના વિવાદે તેમને રાજીનામું આપવા મજબૂર કર્યા છે.

શું છે આખો 'કેશ કાંડ'?

જસ્ટિસ યશવંત વર્માનો વિવાદ ત્યારે શરૂ થયો જ્યારે દિલ્હીમાં તેમના સરકારી આવાસ પર આગ લાગવાની ઘટના બની. આ ઘટના દરમિયાન તપાસમાં મોટી માત્રામાં બળી ગયેલી નોટો મળી આવી હોવાનો દાવો કરવામાં આવ્યો હતો. આ રોકડ નોકરોના ક્વાર્ટર પાસેના સ્ટોર રૂમમાંથી મળી આવી હતી. જોકે, જસ્ટિસ વર્માએ આ તમામ આરોપોને નકારી કાઢ્યા હતા અને કહ્યું હતું કે ઘટના સમયે તેઓ કે તેમના પત્ની દિલ્હીમાં હાજર નહોતા.

મહાભિયોગની પ્રક્રિયા અને દબાણ

આ ઘટના બાદ સંસદમાં તેમની વિરુદ્ધ મહાભિયોગ (Impeachment) લાવવાની પ્રક્રિયા શરૂ કરવામાં આવી હતી. લોકસભામાં મોટી સંખ્યામાં સાંસદોએ હસ્તાક્ષર સાથે પ્રસ્તાવને મંજૂરી આપી હતી અને તપાસ માટે ત્રણ સભ્યોની સમિતિની રચના પણ કરવામાં આવી હતી. આ આંતરિક તપાસ અને વધતા દબાણ વચ્ચે તેમણે અંતે રાજીનામું આપવાનો નિર્ણય કર્યો.

ભ્રષ્ટાચારના આરોપમાં અગાઉ રાજીનામું આપનાર જજ

ભારતમાં આ પહેલીવાર નથી જ્યારે કોઈ જજ પર ભ્રષ્ટાચારના ગંભીર આરોપો લાગ્યા હોય. અગાઉ પણ અનેક ન્યાયાધીશોએ તપાસ કે મહાભિયોગ પહેલા પદ છોડ્યું છે:

ન્યાયતંત્રની છબી પર સવાલ?

ન્યાયના મંદિરમાં ઉચ્ચ હોદ્દા પર બેઠેલા વ્યક્તિઓ જ્યારે આર્થિક કૌભાંડોમાં ફસાય છે, ત્યારે સામાન્ય જનતાનો ન્યાયતંત્ર પરનો વિશ્વાસ ડગમગે છે. જસ્ટિસ યશવંત વર્માના કિસ્સામાં ઇન-હાઉસ તપાસ હજુ ચાલુ હતી, પરંતુ સંસદના કડક વલણને જોતા તેમણે રાજીનામું આપવું જ ઉચિત સમજ્યું છે. હવે જોવાનું એ રહેશે કે આ તપાસમાં આગામી સમયમાં કેવા ખુલાસા થાય છે.