અમેરિકાએ રામલલાની મૂર્તિ બનાવનાર અરુણ યોગીરાજને ના આપ્યા વિઝા

અયોધ્યામાં રામ મંદિર માટે રામલલાની મૂર્તિ બનાવનાર પ્રખ્યાત શિલ્પકાર અરુણ યોગીરાજને અમેરિકાએ વિઝા આપવાની ના પાડી દીધી છે. અમેરિકાએ આ માટે કોઈ નક્કર કારણ આપ્યું નથી. અરુણ યોગીરાજને વર્જિનિયાના રિચમન્ડ કન્વેન્શન સેન્ટર ખાતે 30 ઓગસ્ટથી 1 સપ્ટેમ્બરની વચ્ચે યોજાનાર 12મી AKKA વર્લ્ડ કન્નડ કોન્ફરન્સમાં ભાગ લેવા માટે અમેરિકા જવાનું હતું. 

જણાવી દઈએ કે, અરુણ યોગીરાજના પરિવારે વિઝા ન મળવા પર નિરાશા વ્યક્ત કરી છે. અરુણની પત્ની વિજેતા પહેલાથી જ અમેરિકા જઈ ચૂકી છે જ્યારે  શિલ્પકાર અરુણે પણ અમેરિકા જવાની તમામ તૈયારીઓ પૂરી કરી લીધી હતી. આવી સ્થિતિમાં અરુણને વિઝા આપવાનો ઈન્કાર તદ્દન અણધાર્યો છે. અરુણ યોગીરાજે પણ યુએસ દ્વારા વિઝા ન મળ્યાની પુષ્ટિ કરી હતી. તેણે કહ્યું કે મને કોઈ કારણ ખબર નથી, પરંતુ અમે વિઝા સંબંધિત તમામ દસ્તાવેજો જમા કરાવી દીધા છે. 

જણાવી દઈએ કે AKKA વર્લ્ડ કન્નડ કોન્ફરન્સનું વર્ષમાં બે વાર આયોજન કરવામાં આવે છે. આ કાર્યક્રમનો ઉદ્દેશ્ય અમેરિકા સહિત વિશ્વના અન્ય ભાગોમાં રહેતા સમુદાયના સભ્યોને એકસાથે લાવવાનો છે. 

જણાવી દઈએ કે અરુણ યોગીરાજની ઘણી પેઢીઓ મૂર્તિઓ બનાવતી રહી છે, પરંતુ રામલલાની મૂર્તિ બનાવીને દેશ અને દુનિયામાં ખૂબ જ લોકપ્રિય થયો છે. રામલલાની મૂર્તિ અંગે અરુણે કહ્યું હતું કે જ્યારે મૂર્તિ બનાવવામાં આવી હતી ત્યારે તેનું અલગ સ્વરૂપ દેખાતું હતું, પરંતુ પ્રાણ પ્રતિષ્ઠા બાદ ભગવાને અલગ જ સ્વરૂપ ધારણ કરી લીધું છે. સાત મહિના સુધી મેં જે ભગવાનની મૂર્તિ બનાવી હતી તેને હું પોતે પણ ઓળખી શક્યો નહીં. ગર્ભગૃહમાં પ્રવેશતાની સાથે જ મૂર્તિ બદલાઈ ગઈ. આ દૈવી ચમત્કાર છે કે બીજું કંઈક?