રશિયાથી મોકલવામાં આવ્યા છે સ્કૂલોને બોમ્બથી ઉડાવી દેવાના ધમકીભર્યા મેઈલ, સૂત્રોએ કર્યો આ મોટો દાવો

આજે વહેલી સવારે દિલ્હી અને નોઈડાની 80 શાળાઓને ધમકીભર્યા ઈમેલ મળતા હોબાળો મચી ગયો હતો. શાળાઓને બોમ્બથી ઉડાવી દેવાની ધમકીઓ આપવામાં આવી હતી. તેમાં દ્વારકાની ડીપીએસ, મયુર વિહારની મધર મેરી સ્કૂલ અને નવી દિલ્હીની સંસ્કૃતિ સ્કૂલ જેવી હાઈપ્રોફાઈલ સ્કૂલોનો સમાવેશ થાય છે. શાળાઓને મોકલવામાં આવેલા ધમકીભર્યા ઈમેલમાં ધાર્મિક સંગઠન વતી ખતરનાક બાબતો લખવામાં આવી હતી. 

સુરક્ષા એજન્સીઓ આ સમગ્ર મામલાની તપાસમાં વ્યસ્ત છે. સૂત્રોનું કહેવું છે કે શાળાઓને મોકલવામાં આવેલ ધમકીભર્યો ઈમેલ રશિયાથી મોકલવામાં આવ્યો છે. આઈપી એડ્રેસની તપાસમાં રશિયન ભાષા મળી આવી છે. ઈમેલ મળ્યા બાદ દિલ્હી પોલીસ શાળાઓમાં પહોંચી અને તપાસ કરી, જો કે આ દરમિયાન કંઈપણ શંકાસ્પદ મળ્યું ન હતું.

આ સમગ્ર મામલાની તપાસમાં સામેલ એજન્સીઓને શંકા ગઈ હતી કે, ઈમેલ મોકલવા માટે ઉપયોગમાં લેવાતા આઈપી એડ્રેસનું સર્વર વિદેશમાં છે. નોઈડા-ગાઝિયાબાદ-દિલ્હી પોલીસ સંકલન સાથે તપાસ આગળ વધારી રહી છે. ઈમેલ મોકલવા માટે આ જ આઈપી એડ્રેસનો ઉપયોગ કરવામાં આવ્યો હોવાનું પણ સામે આવ્યું છે. સૂત્રોના જણાવ્યા અનુસાર રશિયા તરફથી સ્કૂલોને ધમકીભર્યો ઈમેલ મોકલવામાં આવ્યો છે. તપાસ દરમિયાન આઈપી એડ્રેસ રશિયન ભાષા મળી આવી છે.

ધમકીભર્યા ઈમેલ અંગે દિલ્હીના એલજી વીકે સક્સેનાએ શું કહ્યું?

દિલ્હી-એનસીઆરની ઘણી શાળાઓમાં બોમ્બની ધમકી પર, દિલ્હીના એલજી વીકે સક્સેના કહે છે કે માહિતી પ્રકાશમાં આવ્યા પછી, દિલ્હી પોલીસ તરત જ સ્થળ પર પહોંચી અને સમગ્ર વિસ્તારને ઘેરી લીધો. સર્ચ ઓપરેશન માટે ડોગ સ્ક્વોડ અને બોમ્બ ડિસ્પોઝલ સ્કવોડ સાથે હાજર થઈ ગઈ હતી. 

કેન્દ્રીય ગૃહ મંત્રાલયે નિવેદનમાં આ માહિતી આપી છે

આ ઘટના બાદ ગૃહ મંત્રાલય તરફથી એક નિવેદન આવ્યું છે, જેમાં કહેવામાં આવ્યું છે કે દિલ્હી-એનસીઆરની શાળાઓને મોકલવામાં આવેલા મેઈલ નકલી હોવાનું જણાય છે. ગભરાવાની જરૂર નથી. દિલ્હી પોલીસ અને સુરક્ષા એજન્સીઓ પ્રોટોકોલ મુજબ જરૂરી પગલાં લઈ રહી છે. શાળાઓને ઈમેલ દ્વારા બોમ્બની ધમકી મળી હતી, જેના પગલે શાળાઓને ત્યાં સર્ચમાં કંઈ મળ્યું નથી.