નીતિશ કુમારે શપથ લીધા બાદ તેજસ્વીનું પહેલું નિવેદન, X પર લખી ખાસ પોસ્ટ
બિહારમાં નીતિશ કુમાર સરકારની શપથ વિધિ થઈ ચૂકી છે. મુખ્યમંત્રી નીતિશ કુમારે ગુરુવારે 26 મંત્રીઓ સાથે
બિહારમાં નીતિશ કુમાર સરકારની શપથ વિધિ થઈ ચૂકી છે. મુખ્યમંત્રી નીતિશ કુમારે ગુરુવારે 26 મંત્રીઓ સાથે પદ અને ગુપ્તતાના શપથ લીધા. પટનાના ઐતિહાસિક ગાંધી મેદાનમાં નીતિશ સરકારના શપથ ગ્રહણ સમારોહ બાદ નવી રચાયેલી બિહાર વિધાનસભાના વિરોધ પક્ષના નેતા તેજસ્વી યાદવે સોશિયલ મીડિયા પ્લેટફોર્મ X પર પોસ્ટ કરી. તેજસ્વી યાદવે મુખ્યમંત્રી નીતિશ કુમાર વિશે ભાવુક પોસ્ટ લખી છે.
તેજસ્વી યાદવે નીતિશ કુમારને 10મી વખત બિહારના મુખ્યમંત્રી તરીકે શપથ ગ્રહણ કરવા બદલ અભિનંદન પાઠવ્યા છે. સાથે જ મંત્રીમંડળને પણ અભિનંદન પાઠવ્યા છે. સોશિયલ મીડિયા પ્લેટફોર્મ X પરની તેમની પોસ્ટમાં તેજસ્વી યાદવે લખ્યું, "બિહારના મુખ્યમંત્રી તરીકે શપથ ગ્રહણ કરવા બદલ નીતિશ કુમારને હાર્દિક અભિનંદન." નવનિયુક્ત મંત્રીઓને પણ શુભેચ્છાઓ પાઠવી.
તેજસ્વીએ એમ પણ લખ્યું, "મંત્રી પરિષદના સભ્યો તરીકે શપથ ગ્રહણ કરનારા બિહાર સરકારના તમામ મંત્રીઓને હાર્દિક અભિનંદન." સાથે એવી પણ આશા વ્યક્ત કરી કે નવી સરકાર પોતાના વાયદાઓ અને જાહેરાતો પૂર્ણ કરી લોકોની આશાઓ અને અપેક્ષાઓ પૂર્ણ કરશે અને બિહારના લોકોના જીવનમાં સકારાત્મક અને ગુણાત્મક પરિવર્તન લાવશે."
