VIDEO: 'દેશના નેતા ફ્રન્ટ ફૂટ પર રમે છે...', સૂર્યકુમાર યાદવે PM મોદીની કરી પ્રશંસા
એશિયા કપ વિજેતા ભારતીય કેપ્ટન સૂર્યકુમાર યાદવે સોમવારે PM MODIની પ્રશંસા કરતા કહ્યું કે, જ્યારે દેશના નેતા પોતે ફ્રન્ટ ફૂટ
એશિયા કપ વિજેતા ભારતીય કેપ્ટન સૂર્યકુમાર યાદવે સોમવારે PM MODIની પ્રશંસા કરતા કહ્યું કે, જ્યારે દેશના નેતા પોતે ફ્રન્ટ ફૂટ પર રમે ત્યારે તે સારું લાગે છે. પાકિસ્તાન સામેની જીત બાદ પીએમ મોદીએ ભારતીય ક્રિકેટરોને અભિનંદન આપતા ઓપરેશન સિંદૂરનો ઉલ્લેખ કરતા કહ્યું કે મેદાન કોઈપણ, જીત ભારતની હોય છે.
સૂર્યકુમાર યાદવે કહ્યું, "જ્યારે દેશના નેતા પોતે ફ્રન્ટ ફૂટથી બેટિંગ કરે છે ત્યારે તે સારું લાગે છે. એવું લાગ્યું કે તેમણે સ્ટ્રાઈક લીધી અને રન બનાવ્યા. આ જોઈને ખૂબ જ આનંદ થયો. જ્યારે સર જ બધાની આગળ ઊભા હોય તો ખેલાડીઓ ખુલીને રમશે. તેણે કહ્યું, સૌથી મહત્ત્વની વાત એ છે કે આખો દેશ ઉજવણી કરી રહ્યો છે. જ્યારે અમે ભારત પાછા ફરીશું, ત્યારે સારું લાગશે અને ભવિષ્યમાં વધુ સારું પ્રદર્શન કરવા માટે પ્રોત્સાહન મળશે.
જણાવી દઈએ કે એશિયા કપમાં ભારતીય ટીમના વિજય પછી પીએમ મોદીએ ટ્વિટ કર્યું, "ઓપરેશન સિંદૂર રમતના મેદાનમાં... પરિણામ સમાન છે... ભારતની જીત... આપણા ક્રિકેટરોને અભિનંદન. રવિવારે દુબઈમાં યોજાયેલી ફાઇનલ મેચમાં ભારતે પાકિસ્તાનને પાંચ વિકેટથી હરાવ્યું.
જણાવી દઈએ કે, એપ્રિલમાં કાશ્મીરના પહેલગામમાં થયેલા આતંકવાદી હુમલામાં 26 પ્રવાસીઓના મોત બાદ પાકિસ્તાનમાં આતંકવાદી ઠેકાણાઓ સામે ભારતીય સેનાના "ઓપરેશન સિંદૂર" પછી પહેલી વાર ભારત અને પાકિસ્તાનની ક્રિકેટ ટીમો કોઈ ટુર્નામેન્ટમાં એકબીજા સામે રમી હતી. આ ટુર્નામેન્ટની શરૂઆતથી જ બંને ટીમો વચ્ચે તણાવ સ્પષ્ટ હતો. નોંધનીય છે કે, રમાયેલી ત્રણ મેચમાંથી પાકિસ્તાન એક પણ વાર જીતી શક્યું ન હતું. કેપ્ટન યાદવ અને આખી ટીમે પાકિસ્તાની ખેલાડીઓ સાથે હાથ મિલાવવાનો ઇનકાર કર્યો હતો.
