VIDEO : બંગાળમાં શુભેન્દુ અધિકારી કેબિનેટનું વિસ્તરણ, 35 નવા મંત્રીઓએ લીધા શપથ

પશ્ચિમ બંગાળમાં રાજકીય ગરમાવા વચ્ચે શુભેન્દુ અધિકારી સરકારના કેબિનેટનું વિસ્તરણ કરવામાં આવ્યું છે. આ વિસ્તરણ અંતર્ગત આજે સવારે 11 વાગ્યે કોલકાતાના લોક ભવન ખાતે 35 નવા મંત્રીઓએ શપથ ગ્રહણ કર્યા છે. રાજ્યપાલ આર. એન. રવિએ તમામ નવા મંત્રીઓને પદ અને ગોપનીયતાના શપથ લેવડાવ્યા હતા. 

જણાવી દઈએ કે, ગયા અઠવાડિયે મુખ્યમંત્રી શુભેન્દુ અધિકારી અને પશ્ચિમ બંગાળ ભાજપ અધ્યક્ષે પક્ષના કેન્દ્રીય નેતૃત્વ સાથે મુલાકાત કરીને આ 35 મંત્રીઓના નામોને આખરી ઓપ આપ્યો હતો. શપથ લીધેલા તમામ 35 મંત્રીઓ ભાજપના ધારાસભ્યો છે અને ટૂંક સમયમાં જ તેમના વિભાગોની જાહેરાત કરવામાં આવે તેવી સંભાવના છે.

બંગાળ કેબિનેટમાં હવે કુલ 41 સભ્યો

35 નવા મંત્રીઓના શપથ ગ્રહણ બાદ હવે બંગાળ મંત્રીમંડળમાં કુલ સભ્યોની સંખ્યા વધીને 41 થઈ જશે. આ પછી પણ કેબિનેટમાં હજુ ત્રણ વધુ મંત્રીઓનો સમાવેશ કરવાની મંજૂરી રહેશે, કારણ કે નિયમ મુજબ કોઈપણ રાજ્યમાં મંત્રીઓની મહત્તમ સંખ્યા વિધાનસભાની કુલ સભ્ય સંખ્યાના 15 ટકા સુધી જ હોઈ શકે છે.

આજના શપથ ગ્રહણમાં 13 ધારાસભ્યોએ કેબિનેટ મંત્રી, 3 ધારાસભ્યોએ રાજ્ય મંત્રી (સ્વતંત્ર પ્રભાર) અને 19 ધારાસભ્યોએ રાજ્ય મંત્રી તરીકે શપથ લીધા છે.

પશ્ચિમ બંગાળ સરકાર: તમામ 35 નવા મંત્રીઓની યાદી
કેબિનેટ મંત્રીઓ
દીપક બર્મન
તાપસ રોય
ડૉ. શંકર ઘોષ
મનોજ કુમાર ઉરાંવ
અર્જુન સિંહ
ગૌરી શંકર ઘોષ
સ્વપન દાસગુપ્તા
જગન્નાથ ચટ્ટોપાધ્યાય
કલ્યાણ ચક્રવર્તી
અજય પોદ્દાર
સારદ્રત મુખર્જી
દૂધ કુમાર મંડલ
અરૂપ કુમાર દાસ (અનૂપ કુમાર દાસ)

2. રાજ્ય મંત્રી - સ્વતંત્ર પ્રભાર (03)

ડૉ. ઇન્દ્રનીલ ખાન
માલતી રાવા રોય
રાજેશ મહતો

રાજ્ય મંત્રીઓ (19)

જોએલ મુર્મુ (જુએલ મુર્મુ)
હરે કૃષ્ણ બેરા
આનંદમય બર્મન
અશોક ડિંડા
નદિયાર ચંદ બાઉરી
વિશાલ લામા
શાંતનુ પ્રમાણિક
મૌમિતા વિશ્વાસ મિશ્રા (મિત્ર)
ઉમેશ રે (રાય)
પૂર્ણિમા ચક્રવર્તી
કૌશિક ચૌધરી
ભાસ્કર ભટ્ટાચાર્ય
દિવાકર ઘરામી
અમિયા કિસ્કૂ
કલિતા માઝી
ગાર્ગી દાસ ઘોષ
બિરાજ વિશ્વાસ
દીપંકર જના (જાના)
સુમના સરકાર