ઇમરજન્સી અંગેનો પ્રસ્તાવ કેબિનેટમાં પસાર, મોદી સરકારે લીધા 3 મોટા નિર્ણયો
વડાપ્રધાન નરેન્દ્ર મોદીની અધ્યક્ષતામાં બુધવારે મળેલી કેબિનેટની બેઠકમાં ત્રણ મોટા ન
વડાપ્રધાન નરેન્દ્ર મોદીની અધ્યક્ષતામાં બુધવારે મળેલી કેબિનેટની બેઠકમાં ત્રણ મોટા નિર્ણયો લેવામાં આવ્યા. કટોકટી દરમિયાન લડનારા યોદ્ધાઓનું સન્માન કરવામાં આવ્યું. આ દરમિયાન પુણે મેટ્રો લાઇન 2નું વિસ્તરણ કરવામાં આવ્યું. આ યોજના માટે 3626 કરોડ રૂપિયા મંજૂર કરવામાં આવ્યા. ઝરિયા કોલફિલ્ડ - પુનર્વસન માટે સુધારેલા માસ્ટર પ્લાનને પણ મંજૂરી આપવામાં આવી છે. આ યોજના પૂર્ણ કરવા માટે 5940 કરોડ રૂપિયા ખર્ચ કરવામાં આવશે. આ ઉપરાંત, ઉત્તર પ્રદેશમાં આગ્રા ઇન્ટરનેશનલ પોટેટો સેન્ટર સ્થાપિત કરવામાં આવશે. તેને બનાવવા માટે 111.5 કરોડ રૂપિયાનો ખર્ચ થશે.
કટોકટીની ૫૦મી વર્ષગાંઠ નિમિત્તે, મંગળવારે કેન્દ્ર સરકારની કેબિનેટ બેઠકમાં એક ઠરાવ પસાર કરવામાં આવ્યો છે. સૂત્રોએ જણાવ્યું હતું કે આ ઠરાવમાં ૧૯૭૫માં લાદવામાં આવેલી કટોકટીને 'લોકશાહીની હત્યા' ગણાવવામાં આવી હતી અને તેની સખત નિંદા કરવામાં આવી હતી.
કેન્દ્રીય મંત્રી અશ્વિની વૈષ્ણવે મંગળવારે કેબિનેટ બ્રીફિંગમાં માહિતી આપી હતી કે વડાપ્રધાન નરેન્દ્ર મોદીની અધ્યક્ષતામાં મળેલી કેન્દ્રીય કેબિનેટની બેઠકમાં ૧૯૭૫માં લાદવામાં આવેલી કટોકટીની સખત નિંદા કરતો ઠરાવ પસાર કરવામાં આવ્યો હતો. વર્ષ ૨૦૨૫માં કટોકટીની ૫૦મી વર્ષગાંઠને ધ્યાનમાં રાખીને, આ ઠરાવ પસાર કરવામાં આવ્યો હતો, જેમાં લોકશાહીના રક્ષણ અને બંધારણના મૂલ્યોનો પુનરાવર્તિત કરવામાં આવ્યો હતો.
