બેભાન પતિને જીવતો દાટી દેવાની હતી તૈયારી; ઘરમાં જ તૈયાર કરાવી કબર, મજૂરોને શંકા જતાં ફૂટ્યો પત્નીનો ભાંડો
છેલ્લું અપડેટ : 10 Aug 2026
Maharashtra Crime News: મહારાષ્ટ્રના બારામતી (Baramati, Maharashtra) માંથી એક અત્યંત ચોંકાવનારો અને ખૌફનાક કિસ્સો સામે આવ્યો છે. અહીં એક મહિલાએ પોતાના જ ઘરની અંદર ઇંટ અને સિમેન્ટનું ચોરસ ચેમ્બર બનાવડાવીને પોતાના પતિને જીવતો દાટી દેવાનો (Bury Alive) ભયાનક પ્રયાસ કર્યો હતો. જોકે, ઘરમાં ચેમ્બર બનાવનારા મજૂરોની સમયસૂચકતા અને શંકાના કારણે પતિનો જીવ બચી ગયો હતો.
સાત ફેરાથી શરૂ થયેલી કહાનીનો ખૌફનાક મોડ
મહારાષ્ટ્રના બારામતીમાં પ્રવીણ અને શર્મિલાના જીવનની શરૂઆત સાત ફેરા સાથે થઈ હતી, પરંતુ આ કહાનીનો અંત આટલો ડરામણો હશે તેવું કોઈએ વિચાર્યું પણ નહોતું. પત્ની શર્મિલાએ પોતાના પતિને કાયમ માટે રસ્તામાંથી હટાવવા માટે ઘરમાં જ તેની કબર તૈયાર કરી લીધી હતી. પરંતુ તેને બનાવનારા મજૂરોને શંકા જતાં સમગ્ર મામલાનો ભંડાફોડ (Exposed) થઈ ગયો હતો. પોલીસે આરોપી પત્નીની ધરપકડ કરી લીધી છે.
શું છે સમગ્ર મામલો?
પોલીસ પાસેથી મળેલી માહિતી મુજબ, પ્રવીણ જગતાપની પત્ની શર્મિલા જગતાપે પહેલા તેના પતિને નશીલી દવા (Sedatives/Drugs) આપીને બેભાન કર્યો હતો. ત્યારબાદ ક્રિકેટ બેટ (Cricket Bat) થી તેના પર હુમલો કર્યો હતો. પતિ અર્ધ-બેભાન અવસ્થામાં હતો ત્યારે તેને ઘરની અંદર જ ઇંટ-સિમેન્ટથી બનાવેલા એક ચેમ્બરમાં જીવતો દાટી દેવાનો પ્રયાસ કરવામાં આવ્યો હતો. સમયસર મજૂરોને શંકા જતાં તેમણે પોલીસ હેલ્પલાઇન (Police Helpline) પર જાણ કરી હતી, જેના કારણે પ્રવીણનો જીવ બચી ગયો હતો.
પ્રાઇવેટ કંપનીમાં મેનેજર છે પ્રવીણ જગતાપ
આ ઘટના બારામતી શહેરના જામદાર રોડ સ્થિત ઇન્દ્રપ્રસ્થ સોસાયટીના એક ફ્લેટમાં ૩૦ જુલાઈની રાતથી ૧ ઓગસ્ટની સવાર વચ્ચે બની હોવાનું કહેવાય છે. પોલીસના જણાવ્યા અનુસાર, ૪૧ વર્ષીય પ્રવીણ પ્રકાશ જગતાપ એક પ્રાઇવેટ કંપનીમાં મેનેજર (Manager in Private Company) તરીકે નોકરી કરે છે. આ મામલે તેમની ૩૮ વર્ષીય પત્ની શર્મિલા પ્રવીણ જગતાપની ધરપકડ કરવામાં આવી છે.
અધૂરા બનેલા ચેમ્બરમાં પૂરી દેવાનો પ્રયાસ
પ્રાથમિક તપાસ (Preliminary Investigation) મુજબ, પારિવારિક વિવાદ (Family Dispute) બાદ શર્મિલાએ પતિને નશીલી ગોળીઓ આપી દીધી હતી. જ્યારે તે અર્ધ-બેભાન થઈ ગયો ત્યારે તેના પર બેટથી હુમલો કરવામાં આવ્યો હતો. તે પછી ઘરના હોલ સાથે જોડાયેલી ગેલેરીમાં ઇંટ અને સિમેન્ટથી એક ચોરસ ચેમ્બર બનાવવામાં આવ્યું હતું.
આરોપ છે કે પ્રવીણને આ અડધી બનેલી ચેમ્બરમાં નાખીને ઉપર પથ્થરની સ્લેબ (Kadappa Stone Slab) થી બંધ કરી દેવાનો પ્રયાસ કરાયો હતો. જોકે, ઘરમાં ચેમ્બર ચણનારા મજૂરોને પત્નીની હિલચાલ પર શંકા ગઈ હતી. તેમણે તાત્કાલિક પોલીસને ફોન કરીને માહિતી આપી હતી, જેના આધારે પોલીસે સ્થળ પર પહોંચીને આરોપી મહિલા શર્મિલાની અટકાયત કરી હતી.
